Aqparat saqshysy اتتى Telegram-ارنادا جاريالانعان مالىمەتكە سايكەس, الاياقتار اسكەري كوميسسارياتتىڭ اتىن جامىلىپ, ازاماتتارعا جاپپاي SMS-حابارلامالار, مەسسەندجەردەگى حابارلامالار جانە ەلەكتروندى حاتتار تاراتىپ جاتىر.
حابارلامالار مازمۇنى كوبىنەسە ۇركىتۋ سيپاتىنا يە:
-
ء«سىز اسكەري كوميسسارياتقا شاقىرتۋ بويىنشا كەلۋگە مىندەتتىسىز!»
-
ء«سىز اسكەري قىزمەتتەن جالتارىپ ءجۇرسىز!»
-
«دەرەكتەرىڭىزدى راستاۋ جانە ايىپپۇلدان قۇتىلۋ ءۇشىن مىنا سىلتەمە ارقىلى ءوتىڭىز»
ناقتى ءمانى نەدە؟ بۇل سىلتەمەلەر ارقىلى ازاماتتار فيشينگتىك سايتتارعا وتەدى. وندا:
-
پاسپورتتىق دەرەكتەردى ەنگىزۋگە يتەرمەلەيدى — كەيىن بۇل دەرەكتەر darknet-تە ساتىلادى.
-
نەمەسە قۇرىلعىعا ۆيرۋس جۇكتەلىپ, بانك كارتالارى مەن قۇپياسوزدەر ۇرلانادى.
-
كەيدە الاياقتار تىكەلەي قوڭىراۋ شالىپ, «قىلمىستىق جاۋاپكەرشىلىك» جايلى قورقىتىپ, اقشا اۋدارۋدى تالاپ ەتەدى.
«اسكەري كوميسساريات ەشقاشان WhatsApp, Telegram نەمەسە ەلەكتروندىق پوشتا ارقىلى شاقىرتۋ جىبەرمەيدى», دەپ اتاپ ءوتتى الاياقتىقتى اشكەرەلەۋشى ارنا اۆتورلارى.
مۇنداي جاعدايدا نە ىستەۋ كەرەك؟
-
بەلگىسىز سىلتەمەلەرگە وتپەڭىز;
-
جەكە دەرەكتەرىڭىزدى ەنگىزبەڭىز;
-
مۇنداي حابارلامالار كەلگەن جاعدايدا, رەسمي اسكەري بولىمشەگە تىكەلەي حابارلاسىڭىز;
-
تەلەفونمەن اقشا تالاپ ەتسە — بۇل الاياقتىق, بىردەن قۇقىق قورعاۋ ورگاندارىنا حابار بەرىڭىز.
