فوتو: ءسىم-ءنىڭ ءباسپاسوز قىزمەتى
ءىس-شاراعا قاتىسۋشىلار حالىقارالىق كۇن تارتىبىندەگى وزەكتى ماسەلەلەردى تالقىلاپ, كولىك, لوگيستيكا, كوممۋنيكاتسيا جانە كليماتتىڭ وزگەرۋىمەن كۇرەس سالالارىندا ىنتىماقتاستىقتى تەرەڭدەتۋدىڭ ماڭىزدىلىعىن اتاپ ءوتتى.
ءسىم باسشىسى تمۇ-عا مۇشە ەلدەردىڭ ساۋدا, ينۆەستيتسيا, كولىك جانە اۋىل شارۋاشىلىعى سالالارىنداعى جەتىستىكتەر مەن بولاشاعى زور باعىتتارعا نازار اۋدارىپ, ۇيىم اياسىنداعى ءوزارا ءتيىمدى ىنتىماقتاستىقتىڭ كەلەشەگىن ايقىندادى.
وتىرىس بارىسىندا تمۇ سامميتىنە دايىندىق بارىسى قارالىپ, ونىڭ اياسىندا قول قويىلاتىن قۇجاتتار جوبالارى ماقۇلداندى.
ءىس-شارا العاش رەت ەۋروپادا ورنالاسقان باقىلاۋشى ەلدىڭ اۋماعىندا ءوتتى.
اتاپ وتسەك, تۇركى مەملەكەتتەرى ۇيىمى 2009 جىلى ەلىمىزدىڭ باستاماسىمەن قۇرىلعان. بۇگىندە وعان ازەربايجان, قازاقستان, قىرعىزستان, تۇركيا جانە وزبەكستان مۇشە. ماجارستان مەن تۇرىكمەنستان باقىلاۋشى مارتەبەگە يە.
