قولونەرشى تۋىندىلارى اراسىندا سىبىزعىدان باستاپ ارميانداردىڭ دۋدۋك, ورىستاردىڭ سۆيرەل, ۋكراينداردىڭ ساپەل, جاپونداردىڭ سياكۋحاتي, ەجەلگى سولتۇستىك امەريكا ۇندىستەرىنىڭ پيماك, ۇندىلەردىڭ بانسۋري ۇرمەلى اسپاپتارىنا شەيىن بار. قولونەرشىنىڭ وسى ىسپەن اينالىسىپ كەلە جاتقانىنا سەگىز جىلدىڭ ءجۇزى بولىپتى. مۋزىكالىق اسپاپتار جاساۋدى ءوزى ىزدەنىپ, ينتەرنەتتەن قاراپ ۇيرەنگەن. سىبىزعىلاردى نەگىزىنەن قايىڭ, قاراعاش, بامبۋكتان جاسايتىنىن ايتادى. بۇل اعاشتار مۋزىكالىق دىبىستى جاقسى شىعارادى ەكەن. جالپى, الما, شيە, شابدالى سەكىلدى جەمىس اعاشتارىنىڭ ءبارى دە مۋزىكالىق اسپاپ جاساۋعا جارايدى. سەبەبى ولار وتە قاتتى بولىپ كەلەدى.
«وزىمە بۇل ءىس وتە قاتتى ۇنايدى. اعاشتان ويۋ ويىپ, ۇرمەلى اسپاپتار جاساسام راحاتتانامىن. الايدا بۇعان دا ماشىق پەن تاجىريبە, ءبىلىم كەرەك. اعاشتى ويىپ تەسىك سالۋمەن سىبىزعى بولمايدى. ويىلعان اعاش دىبىس شىعارۋ ءۇشىن كەسۋدىڭ دۇرىس ءتاسىلىن ءبىلۋ كەرەك. سىبىزعىدان شىققان دىبىس اۋەزدى اۋەنگە اينالۋ ءۇشىن ماجورلىق, مينورلىق پەنتاتونيكا سەكىلدى تەحنولوگيالاردى ساقتاۋ قاجەت. باستاپقى كەزدە كوپ قاتەلەستىم. سىبىزعىنىڭ ءتۇرى ادەمى بولعانىمەن, دىبىسى كوڭىلدەن شىقپايتىن. امال جوق, قايتادان جاڭاسىن جاسايتىنمىن», دەدى ۆ.وۆچارەنكو.
اڭىز بويىنشا, ءىلىنىپ تۇرعان سۇيەكتى جەل تەربەتكەندە ودان دىبىس شىعاتىنىن ادامدار بايقاپ, سودان سىبىزعى جاساۋدى ۇيرەنگەن. ۆ.وۆچارەنكو مۋزىكالىق اسپاپتا دا جاقسى ويناي بىلەدى. ىنتا بولسا ۇرمەلى اسپاپتا ويناۋدى ءبىر ايدا مەڭگەرىپ الۋعا بولاتىنىن ايتادى. ونىڭ سوزىنشە ۇرمەلى اسپاپتاردا ءار حالىقتىڭ ۇلتتىق كودى جاسىرىنعان. ولاردى ويناۋ ارقىلى اتا-بابا رۋحىمەن سىرلاسقانداي بولاسىز.
«ۇرمەلى اسپاپتاردىڭ وزىندىك قۇدىرەتى بار. ولاردان شىققان اۋەن جۇرەككە جەتەدى. جالپى, سىبىزعى اتاۋلى جاراتۋشىعا ەڭ جاقىن اسپاپ سانالادى. كونە گرەك ميفولوگياسىنداعى قۇدايلار دا, ءۇندىنىڭ كريشنا قۇدايى دا ۇرمەلى اسپاپتا ويناعان. سىبىزعىنىڭ ءتۇرى كوپ. ماسەلەن, كوڭىل كوتەرگىم كەلسە قازاقتىڭ سىبىزعىسىن تارتامىن. ويتكەنى ول ادام جانىن جادىراتادى. تەرەڭ ويعا شومعىم كەلسە, سولتۇسىك امەريكا ۇندىستەرىنىڭ ماحاببات سىبىزعىسى – پيماكتى قولىما الامىن. وسىلايشا, ۇرمەلى اسپاپتارمەن ادام جانىن دا ەمدەۋگە بولادى», دەدى كەيىپكەرىمىز ۆ.وۆچارەنكو.
شىمكەنت
