سالتاناتتى جيىندا ستۋدەنتتەردى وبلىس اكىمنىڭ ورىنباسارى باقىتجان نارىمبەتوۆ قۇتتىقتادى.
«بۇگىنگى كوكتەمنىڭ ەرەكشە مەرەكەسىمەن شىن جۇرەكتەن قۇتتىقتايمىن. ءوڭىرىمىزدىڭ ەڭ ۇزدىك جاستارى وسى جەردە باس قوسىپ وتىر. الداعى كوماندالىق جارىستاردا بارشاڭىزعا ساتتىلىك تىلەيمىن», – دەدى ب.نارىمبەتوۆ.
فەستيۆالدىڭ العاشقى كۇنى ۆولەيبول, باسكەتبول, شاعىن-فۋتبولدان جارىس ءوتتى. كەشكىلىك توبىل جاعالاۋىنداعى ترياتلون ساياباعىندا زياتكەرلىك ويىن, پىكىرسايىس ءتۋرنيرى باستالدى.
سپورت جارىستارىنىڭ قورىتىندىسى 22 مامىر كۇنى بەلگىلى بولادى. سونداي-اق, ەرتەڭ 12:00-دە قوستاناي الەۋمەتتىك-تەحنيكالىق ۋنيۆەرسيتەتىنىڭ ستۋدەنتتەر سارايىندا گالا-كونتسەرت وتەدى دەپ جوسپارلانعان. مەرەكەلىك كونتسەرتتەن كەيىن فەستيۆال جەڭىمپازدارىن ماراپاتتاۋ ءراسىمى وتەدى.
قوستاناي وبلىسى
