فوتو: gov.kz
ء«بىلىم بەرۋ پروتسەسىندە پرەزيدەنت بەلگىلەگەن «ادال ازامات» تۇجىرىمداماسىنىڭ نەگىزىندە وقۋشىلاردى ادىلدىككە, ەڭبەكقورلىققا جانە ادامگەرشىلىككە باۋليتىن قۇندىلىقتار جۇيەسى قالىپتاسقان. بالالار ەرتە جاستان باستاپ ەڭبەكتى قۇرمەتتەۋ, الەۋمەتتىك ادىلەتتىلىك, ادالدىق جانە جاۋاپكەرشىلىك پرينتسيپتەرىن ۇيرەنەدى. وسى تۇلعالىق جەكە قاسيەتتەردى ءبىز قازاقستاننىڭ تابىستى دامۋىنىڭ نەگىزى دەپ سانايمىز», دەپ اتاپ ءوتتى عاني بەيسەمباەۆ.
ءمينيستردىڭ ايتۋىنشا, تاعى ءبىر ماڭىزدى باعىت — ەرتە كاسىبي باعدار بەرۋ. باستاۋىش مەكتەپتە بالالار ءارتۇرلى ماماندىقتارمەن تانىسادى, جوبالىق اپتالارعا قاتىسادى. 7-سىنىپتان باستاپ تەرەڭ كاسىبي باعدار بەرۋ باستالادى. ءار وقۋشىعا ءتۇرلى سالا بويىنشا تالىمگەر تاعايىندالادى. ولار بىرلەسىپ جەكە وقۋ جوسپارىن جاسايدى: بەيىندىك كۋرستار, شەبەرلىك سىنىپتارىنا قاتىسادى جانە تاجىريبەلىك ءارتۇرلى ماماندىقتاردا وزدەرىن سىناپ كورەدى.
«نەگىزگى ماسەلە — كادرلىق قامتاماسىز ەتۋ. ول ءۇشىن ءبىز زاماناۋي ءبىلىم بەرۋ تاسىلدەرى مەن تسيفرلىق قۇرالداردى يگەرۋگە باعىتتالعان پەداگوگتەردىڭ بىلىكتىلىگىن ارتتىرۋدىڭ ارنايى باعدارلامالارىن ازىرلەدىك. بۇگىندە ءۇش مىڭنان استام پەداگوگ وقىتۋدان ءوتتى, بۇل جۇمىس الدا دا جالعاسىن تابادى», دەدى وقۋ-اعارتۋ ءمينيسترى.
سونداي-اق جوبا اياسىندا ءتيىمدى باسقارۋ قاعيداتتارى ەنگىزىلۋدە. مەكتەپ ديرەكتورلارىن تاعايىنداۋ كەزىندە ء«بىلىم بەرۋدەگى وزگەرىستەردىڭ 1000 كوشباسشىسى» جوباسىنىڭ قاتىسۋشىلارىنا باسىمدىق بەرىلەدى. بولاشاقتا جايلى مەكتەپتەردە تاجىريبەدەن وتكەن تابىستى باسقارۋ پراكتيكالارى مەن ءبىلىم بەرۋ ستاندارتتارى ى.التىنسارين اتىنداعى ۇلتتىق ءبىلىم اكادەمياسىنىڭ بازاسىندا باسقارۋدىڭ ارنايى جۇيەسى ارقىلى بۇكىل رەسپۋبليكاعا كەڭ اۋقىمدا تاراتىلادى.
مينيستر ەندى بۇل ستراتەگيالىق جوبانىڭ «كەلەشەك مەكتەپتەرى» دەپ اتالاتىنىن ايتتى. سونداي-اق, جوبا اياسىندا مەكتەپ قۇرىلىسى جەكە سەكتورلاردا تۇرعىزىلعان نىساندارعا قاراعاندا 1,5-2 ەسە ارزانعا تۇسەتىنىنە نازار اۋداردى.
