فوتو: اشىق دەرەككوز
«مەملەكەت باسشىسىنىڭ باستاماسىمەن قولعا الىنعان جاڭا فورماتتاعى مەكتەپتەردى سالۋ جوباسى – ەلىمىزدىڭ ءبىلىم بەرۋ تاريحىندا تەڭدەسى جوق باستاما. «جايلى مەكتەپ» XXI عاسىردىڭ تالاپتارىنا ساي ءبىلىم بەرۋ ينفراقۇرىلىمىن قالىپتاستىرۋداعى ستراتەگيالىق قادام», دەدى عاني بەيسەمباەۆ.
عاني بەيسەمباەۆ بۇل تەك عيماراتتار ەمەس, بولاشاق ۇرپاقتىڭ زياتكەرلىك جانە شىعارماشىلىق الەۋەتىن دامىتاتىن يننوۆاتسيالىق ءبىلىم كەڭىستىكتەرى ەكەنىن اتاپ ءوتتى. جوبا بالالارعا تەڭ مۇمكىندىك بەرۋدى ماقسات ەتەدى, سوندىقتان جاڭا نىساندار «كەلەشەك مەكتەپتەرى» دەپ اتالادى.
ءمينيستردىڭ مالىمەتىنشە, جوبا اياسىندا ەلىمىزدە 100-دەن استام مەكتەپ پايدالانۋعا بەرىلگەن. نۇر-سۇلتان قالاسىندا «جايلى مەكتەپ» ستاندارتىندا سالىنعان 9 جاڭا مەكتەپ ءۇش اۋىسىمدى وقىتۋ ماسەلەسىن ءىشىنارا شەشۋگە مۇمكىندىك بەرگەن.
«اقمولا وبلىسىندا تاۋەلسىزدىك العاننان بەرى العاش رەت جاڭا زاماناۋي مەكتەپ بوي كوتەردى. ال الماتى وبلىسىنىڭ قوشمامبەت اۋىلىندا 1200 ورىندىق زاماناۋي, وزىق جابدىقتالعان مەكتەپ پايدالانۋعا بەرىلدى – بۇل نىساندار ءبىلىم بەرۋ ساپاسىنىڭ جاڭا ستاندارتىنىڭ ايقىن كورىنىسى. ءاربىر وسىنداي مىسال جوبانىڭ ناقتى پايداسىن كورسەتەدى: بالالار كەڭ, جارىق سىنىپتاردا, زاماناۋي تەحنيكامەن جابدىقتالعان ورتادا ءبىلىم الۋدا, ال اتا-انالار مەن مۇعالىمدەر وڭ وزگەرىستەردى قۋانىشپەن ايتىپ وتىر», دەدى عاني بەيسەمباەۆ.
