اتالعان جوبامەن بىرگە ەكى ينفراقۇرىلىمدىق جوبا – گاز سەپاراتسيالاۋ كەشەنى مەن ماگيسترالدىق قۇبىرلاردى سالۋ ىسكە اسىرىلاتىن بولادى. بۇل 3 جوبانىڭ جالپى قۇنى شامامەن 11 ملرد اقش دوللارىن قۇرايدى. جوبا قمگ مەن سەرىكتەستەردىڭ تىكەلەي ينۆەستيتسيالارى ارقىلى جۇزەگە اسىپ جاتىر.
بۇگىندە بارلىق ينۆەستيتسيالىق شەشىمدەر قابىلداندى. وسى ورايدا, ۇكىمەت قولداۋىنىڭ ارقاسىندا قۇرىلىس نورمالارىنىڭ كەيبىر ارتىق تالاپتارى الىنىپ تاستالدى. ناتيجەسىندە قمگ مەن «پوليەتيلەن» جوباسىنىڭ ينۆەستورلارى قاجەتتى ينۆەستيتسيالىق شەشىمدەردى دەر كەزىندە قابىلدادى.
وعان قوسا, گاز سەپاراتسيالاۋ كەشەنى جوباسىن قارجىلاندىرۋ – اشىق ماسەلە. قازاقستان دامۋ بانكىمەن قولايلى شارتتاردى قاراستىرىپ جاتىر. ۇكىمەت باسشىسىنىڭ تاپسىرماسىنا قاراي «قازمۇنايگاز» جوبالارداعى وتاندىق قامتۋ جانە كادرلىق قولداۋدى دامىتۋعا باسا نازار اۋدارادى.
قازىر وتاندىق وندىرۋشىلەرگە اۋديت جۇرگىزىلىپ جاتىر. وسى كەزگە دەيىن 34 زاۋىت اۋديتتەن تولىق ءوتىپ, تاعى 38 كومپانياعا تالداۋ جۇرگىزىلىپ جاتىر. ناتيجەسىندە, اتىراۋمۇنايماشقا جالپى سوماسى 10 ملن اقش دوللارىنان استام قاراجاتقا پيروليز پروتسەسىندەگى 2 ءىرى باعانعا تاپسىرىس بەرىلدى. سونىڭ ىشىندە ەڭ ءىرىسى – ەتيلەن فراكتسيوناتورى, بيىكتىگى 84,5 مەتر, سالماعى 1 885 توننا.
بۇلارمەن بىرگە يسپاندىق مەردىگەر Technicas Reunidas ءبىزدىڭ ەلدە ينجينيرينگتىك ورتالىق قۇرۋ جونىندە شەشىم قابىلدادى. ودان بولەك, «تالانتتاردى تارتۋ» باعدارلاماسى بەكىتىلىپ, ونىڭ اياسىندا ينجەنەرلىك ماماندىقتار بويىنشا 120 تۇلەكتى وقىتۋ مەن جۇمىسقا ورنالاستىرۋ جوسپارلانعان. قازۇتۋ, نازارباەۆ ۋنيۆەرسيتەتى, س.وتەباەۆ اتىنداعى اتىراۋ مۇناي جانە گاز ۋنيۆەرسيتەتى, قبتۋ جوعارى وقۋ ورىندارىنان ۇزدىك ستۋدەنتتەردى ءبولۋ تۋرالى مەموراندۋمدارعا قول قويىلدى.
باعدارلاماعا سايكەس ستۋدەنتتەر العاشقى 3 اي ونلاين فورماتتا وقيدى. ودان كەيىن وقۋدى يسپانيادا مەردىگەر ەسەبىنەن جالعاستىرادى. ناتيجەسىندە, Technicas Reunidas ستۋدەنتتەردى ءوزىنىڭ الەمدەگى جوبالارىنا جۇمىسقا ورنالاستىرادى. وسى جىلعى تامىز-قىركۇيەك ايلارىندا ستۋدەنتتەردىڭ ءبىرىنشى لەگى ىرىكتەلىپ الىنادى.
