فوتو: اشىق دەرەككوز
مەملەكەتتىك ءورت ءسوندىرۋ بەكەتتەرى جوق ەلدى مەكەندەردە 37 ءورت ءسوندىرۋ بەكەتىن قۇرۋ تۋرالى تاپسىرما بەرىلگەن. بۇگىندە 10 بەكەت قۇرىلىپ, ءوز جۇمىستارىن اتقارىپ جاتىر. قالعان 27 بەكەتتى سالۋ جۇمىستارى جالعاسادى. سونداي-اق جوسپار بويىنشا بەلگىلەنگەن 14 مىڭ شاقىرىمنىڭ 13 958 شاقىرىمىنا مينەرالدى جولاقتار قازىلعان. وسى باعىتتا الدىن الۋداعى ءىس-شارالار جوسپارى بەكىتىلىپ, ءتيىستى مەكەمەلەر مەن ۇيىمدارعا تاپسىرمالار بەرىلگەن. ماسەلە باقىلاۋدا تۇر.
بيىل شومىلۋ ماۋسىمىنىڭ باستالماعانىنا قاراماستان وبلىس اۋماعىندا ءتۇرلى جاعدايلاردا سۋعا كەتۋ وقيعالارى تىركەلگەن. اراسىندا بالالار دا بار. وڭىردە قۇزىرلى مەكەمەلەر تاراپىنان سۋ ايدىندارىندا پاترۋلدەۋ, رەيد جۇمىستارى جۇرگىزىلىپ كەلەدى. جىل باسىنان بەرى 657 رەت رەيد جۇرگىزىلىپ, ناتيجەسىندە سۋداعى قاۋىپسىزدىك قاعيدالارىن بۇزعان 32 جەكە تۇلعاعا 440 384 تەڭگە ايىپپۇل سالىنعان.
وبلىس اكىمى نۇرالحان كوشەروۆتىڭ توراعالىعىمەن وتكەن ماجىلىستە وسىنداي دەرەكتەر كەلتىرىلىپ, ءورت قاۋىپسىزدىگىن ساقتاۋ جانە سۋعا شومىلۋ ماۋسىمىنداعى ساقتىق ءىس-شارالارىن كۇشەيتۋ قاجەتتىگى ايتىلدى.
