ەسكە سالا كەتەيىك, قازاقستاندا حالىقتى الەۋمەتتىك قورعاۋ سالاسىندا ااق كورسەتەتىن ۇيىمداردى ليتسەنزيالاۋ 2025 جىلدىڭ 1 قاڭتارىنان باستالدى.
ارناۋلى الەۋمەتتىك قىزمەتتەر كورسەتەتىن بارلىق مەنشىك نىسانىنداعى ۇيىمدار ليتسەنزيالاۋعا جاتادى. بۇل جاڭاشىلدىق ااق كورسەتۋ جۇيەسىن جاڭعىرتۋ كەزەڭدەرىنىڭ ءبىرى بولىپ تابىلادى جانە ءبىرىنشى كەزەكتە مىنالارعا باعىتتالعان:
- ۇسىنىلاتىن ااق ساپاسىن ارتتىرۋ;
- قىزمەت الۋشىلاردىڭ قۇقىقتارىن قورعاۋ جانە قاۋىپسىزدىك كەپىلدىگى;
- ااق ۇسىناتىن ۇيىمدار ءۇشىن بىرىڭعاي ستاندارتتاردى بەلگىلەۋ.
ليتسەنزيالاۋ ەنگىزىلگەنگە دەيىن ەڭبەك جانە حالىقتى الەۋمەتتىك قورعاۋ مينيسترلىگى 2024 جىلى ولاردىڭ قىزمەتىنىڭ اشىقتىعىن جانە بيۋدجەت قاراجاتىن جۇمساۋدى قامتاماسىز ەتۋ ءۇشىن ااق كورسەتۋ ورتالىقتارىنداعى بارلىق بيزنەس-پروتسەستەردى اۆتوماتتاندىرۋ بويىنشا ۇلكەن جۇمىس جۇرگىزدى.
ماسەلەن, جەرگىلىكتى اتقارۋشى ورگانداردىڭ اقپاراتى بويىنشا, 2024 جىلعى 1 شىلدەدەگى جاعداي بويىنشا ااق كورسەتەتىن ورتالىقتاردىڭ سانى – 1023, فاكتى بويىنشا (دەرەكتەردى تسيفرلاندىرعاننان كەيىن) – 587, كورسەتىلەتىن قىزمەتتى الۋشىلاردىڭ سانى – 135 947, ال فاكتى بويىنشا (دەرەكتەردى تسيفرلاندىرعاننان كەيىن) – 93,6 مىڭ ادامدى قۇرادى. وسىلايشا, ااق قارجىلاندىرۋ سوماسى 31,6 ملرد تەڭگەگە ازايدى.
سونىمەن بىرگە ااق كورسەتۋ جۇيەسىن جاڭعىرتۋ اياسىندا 12 235 مىڭ الەۋمەتتىك قىزمەتكەردىڭ 8 811-ءنىڭ راستالعان ساناتى بولماعانى انىقتالدى. بىلىكتىلىك دەڭگەيىن ارتتىرۋ ءۇشىن 10 مىڭنان استام الەۋمەتتىك قىزمەتكەردى وقىتۋ جانە سەرتيفيكاتتاۋ جۇرگىزىلدى. الەۋمەتتىك قىزمەتكەرلەردى دايارلاۋ جانە قايتا وقىتۋ بويىنشا 14 جوو-مەن مەموراندۋمدار جاسالدى.
ليتسەنزيا الۋدىڭ نەگىزگى شارتتارىنىڭ ءبىرى: سانيتارلىق نورمالار مەن ءورت قاۋىپسىزدىگى ەرەجەلەرىنە سايكەس كەلەتىن ااق كورسەتۋگە جارامدى عيماراتتىڭ بولۋى; قاجەتتى ماتەريالدىق-تەحنيكالىق بازانىڭ جانە قىزمەتكەرلەر قۇرامىنىڭ بولۋى; حالىقتىڭ از قوزعالاتىن توپتارى ءۇشىن عيماراتتىڭ قولجەتىمدىلىگىن قامتاماسىز ەتۋ جانە باسقالار.
2024 جىلدىڭ قازان ايىنان باستاپ قر ەحاقم حالىقتى الەۋمەتتىك قورعاۋ سالاسىنداعى رەتتەۋ جانە باقىلاۋ كوميتەتىنىڭ اۋماقتىق دەپارتامەنتتەرى ليتسەنزيا الدى تالداۋ جۇرگىزدى, جەرگىلىكتى اتقارۋشى ورگاندارمەن جانە ۇەۇ-مەن بىرلەسىپ, ااق كورسەتەتىن بارلىق ۇيىمداردى ليتسەنزيالاۋعا دايىنداۋ ماسەلەلەرى پىسىقتالدى.
بۇگىندە فيليالدار مەن بولىمشەلەردى قوسقاندا, 530 ليتسەنزيا بەرىلدى, بۇلار بۇكىل ەل بويىنشا 92,8 مىڭ ادامعا قىزمەت كورسەتىلەتىن 548 ۇيىم نەمەسە كورسەتىلەتىن قىزمەتتى الۋشىلاردىڭ 97% - ى.
ليتسەنزيا بەرۋدەن باس تارتۋدىڭ نەگىزگى سەبەپتەرى: ماتەريالدىق-تەحنيكالىق بازانىڭ, شتاتتىق نورماتيۆتەردىڭ, مەديتسينالىق ليتسەنزيانىڭ كىشى تۇرلەرىنىڭ سايكەس كەلمەۋى جانە ءورت قاۋىپسىزدىگى بويىنشا تەكسەرۋ اكتىسىنىڭ نە اۋديت قورىتىندىسىنىڭ بولماۋى بولىپ تابىلادى.
وسىلايشا, باستاپقىدا ليتسەنزيالاۋعا جاتاتىن 587 سۋبەكتىنىڭ 384-دە قاجەتتى ماتەريالدىق-تەحنيكالىق بازا بولماعان, ال كەيبىر جاعدايلاردا ءتىپتى جابدىقتار مەن جيھازداردان تەك كىلەمدەر مەن ديۆاندار بولعان.
جەرگىلىكتى اتقارۋشى ورگاندار ااق ۇسىناتىن مەملەكەتتىك جانە مەملەكەتتىك ەمەس ۇيىمداردى بەلگىلەنگەن بىلىكتىلىك تالاپتارىنا سايكەس كەلتىرۋ جونىندەگى جۇمىستى جالعاستىرۋدا. ماسەلەن, رەسپۋبليكا بويىنشا ااق كورسەتەتىن 55 ۇيىمعا ماتەريالدىق-تەحنيكالىق جاراقتاندىرۋ, مۇگەدەكتىگى بار ادامدار ءۇشىن قولجەتىمدىلىك, الاڭدى كەڭەيتۋ (جاڭا عيماراتتار سالۋ) بولىگىندە سايكەستىكتى قامتاماسىز ەتۋ ءۇشىن جەرگىلىكتى بيۋدجەتتەر مەن دەمەۋشىلەر قاراجاتى ەسەبىنەن 8 ملرد 708 ملن تەڭگەدەن استام قاراجات ءبولىندى, قوسىمشا 928,6 ملن تەڭگە ءبولۋ جوسپارلانۋدا.
ليتسەنزيا بەرۋدەن باس تارتقان ۇيىمدار بەلگىلەنگەن تالاپتارعا سايكەسسىزدىكتەر جويىلعاننان كەيىن ليتسەنزيالاۋعا قايتا ءوتىنىش بەرە الادى.
بۇعان قوسىمشا كورسەتىلەتىن قىزمەتتى الۋشىلاردىڭ 3%-نىڭ قامتىلماۋى بويىنشا ەڭبەك جانە حالىقتى الەۋمەتتىك قورعاۋ مينيسترلىگى دەنساۋلىق ساقتاۋ مينيسترلىگىمەن جانە اكىمدىكتەرمەن بىرلەسىپ, بوس الاڭدارى بار مەديتسينالىق ۇيىمدارمەن ااق كورسەتۋگە ليتسەنزيا الۋ بويىنشا جۇمىس جۇرگىزۋدە.
ليتسەنزيالاۋ جانە ااق كورسەتۋ جۇيەسىن جاڭعىرتۋ شەڭبەرىندە قابىلداناتىن باسقا دا شارالار ارناۋلى الەۋمەتتىك قىزمەتتەردىڭ ساپاسىن جانە مۇگەدەكتىگى بار ادامدار مەن كورسەتىلەتىن قىزمەتتى الۋشىلاردىڭ وزگە دە ساناتتارىن الەۋمەتتىك وڭالتۋدىڭ تيىمدىلىگىن ارتتىرۋ ءۇشىن جاعدايلار جاسايدى, سونداي-اق وسى سالاداعى بۇزۋشىلىقتار سانىن ازايتۋعا ىقپال ەتەتىن بولادى.
