ءوڭىر پروكۋراتۋراسى "ساۋران اۋدانىنىڭ ۆەتەريناريا ءبولىمى" مم ۆەتەريناريالىق ستانتسياسىنىڭ قىزمەتكەرلەرىنە قاتىستى مال شارۋاشىلىعىن دامىتۋعا بولىنگەن اسا ءىرى كولەمدەگى مەملەكەتتىك سۋبسيديالاردى جىمقىرۋ فاكتىسى بويىنشا سوتقا دەيىنگى تەرگەپ-تەكسەرۋدى اياقتادى.
تەرگەۋ ناتيجەسىندە ورانعاي جانە جاڭا يقان اۋىلدىق وكرۋگتەرىنىڭ ۆەتەرينارلارى مەن ۆەتەرينارلىق بەكەت مەڭگەرۋشىسىنىڭ "اۋىل شارۋاشىلىعى جانۋارلارىن بىردەيلەندىرۋ" دەرەكتەر بازاسىنا 31 شارۋا قوجالىعىندا شىن مانىندە جوق ۇساق جانە ءىرى قارا مال تۋرالى جالعان اقپارات ەنگىزىپ, جالپى سوماسى 271 ميلليون تەڭگە بولاتىن سۋبسيديانى زاڭسىز يەمدەنگەنى بەلگىلى بولدى.
وبلىس پروكۋراتۋراسىنىڭ سوتقا دەيىنگى تەرگەپ-تەكسەرۋ باسقارماسى № 41590 اسكەري ءبولىمنىڭ 1 قىزمەتكەرىن, 3 ۆەتەريناردى جانە 1 مەڭگەرۋشىنى كۇدىكتى رەتىندە تانىدى.
- كۇدىكتىلەر كەلتىرىلگەن 19 ميلليون تەڭگە كولەمىندەگى زالالدى ءىشىنارا وتەپ, ولاردىڭ جالپى قۇنى 120 ميلليون تەڭگە بولاتىن مۇلكىنە تىيىم سالىندى. قازىرگى ۋاقىتتا قىلمىستىق ءىس بويىنشا سوت پروتسەسى ءجۇرىپ جاتىر. قازاقستان رەسپۋبليكاسىنىڭ قىلمىستىق-پروتسەستىك كودەكسىنىڭ 201-بابىنا سايكەس, تەرگەۋ مۇددەسىنە بايلانىستى وزگە اقپارات جاريالاۋعا جاتپايدى, — دەلىنگەن تۇركىستان وبلىسى پروكۋراتۋراسىنىڭ حابارلاماسىندا.
