وسى جىلدىڭ ناۋرىز ايىمەن سالىستىرعاندا بوس جۇمىس ورىندارىنىڭ سانى 17,3 مىڭ بىرلىككە (+22%), لل تۇيىندەمە سانى – 19,7 مىڭعا (+21%) ءوستى.
ەڭبەككە سۇرانىس قۇرىلىمىندا بىلىكتىلىك دەڭگەيى ورتاشا ماماندار ءۇشىن بوس جۇمىس ورىندارى باسىم – 46%. جوعارى بىلىكتى كادرلارعا سۇرانىس جالپى بوس جۇمىس ورىندارىنىڭ 31% قۇرايدى, ال بوس جۇمىس ورىندارىنىڭ 23% بىلىكتىلىك دارەجەسىن تالاپ ەتپەيدى. وسىلايشا, تار بەيىندى ماماندارعا سۇرانىستىڭ جوعارى دەڭگەيىمەن ورتا بۋىن ماماندارىنا دەگەن قاجەتتىلىك تۇراقتى تۇردە ساقتالادى.
وڭىرلىك بولىنىستە بوس جۇمىس ورىندار سانىنىڭ ەڭ كوپ ءوسۋى اقمولا (+59%) جانە تۇركىستان وڭىرلەرىندە (+55%), سونداي-اق اباي وبلىسىندا (+53%) تىركەلدى. كورسەتكىشتەردىڭ شامالى تومەندەۋى جەتىسۋ جانە ۇلىتاۋ وبلىستارىندا (-10%) بايقالادى.
تۇيىندەمە سانىنىڭ ەڭ كوپ ءوسىمى اباي وڭىرىندە (+47% نەمەسە 1,2 مىڭ بىرلىك), باتىس قازاقستان (+43% نەمەسە 1,8 مىڭ بىرلىك), اتىراۋ (+29% نەمەسە 1,7 مىڭ) جانە پاۆلودار (+29% نەمەسە 0,8 مىڭ) وبلىستارىندا بايقالدى.
گەندەرلىك قۇرىلىم بويىنشا تۇيىندەمەنىڭ 57%-ى ايەل ۇمىتكەرلەردەن, ال 43%-ى ەر ادامداردان تۇسەدى. جاس بولىنىسىندە 18-35 جاس ارالىعىنداعى (45,6%) جۇمىس ىزدەۋشىلەر باسىم, ودان كەيىن 36-45 جاس (27,5%), 46-55 جاس (16,1%) جانە 55 جانە ودان جوعارى (10,8%) توپتار. بۇل دەرەكتەر جاستاردىڭ ەڭبەك نارىعىندا ۇسىنىستى قالىپتاستىرۋعا بەلسەندى قاتىسۋىن كورسەتەدى.
ەڭ جوعارى جالاقى كەلەسى پوزيتسيالار بويىنشا سۇرالىپ وتىر: اۋىلدىق ەلدى مەكەندەردىڭ باسقارۋ ورگاندارىنداعى باس مامان – 1 ملن 955 مىڭ تەڭگەدەن باستاپ, وڭدەۋ ونەركاسىبىندەگى كومپلاەنس جونىندەگى مامان – 1 ملن 100 مىڭ تەڭگە. بۇل رەتتە ىزدەنۋشىلەردىڭ جەكەلەگەن بوس جۇمىس ورىندارى بويىنشا مالىمدەلگەن كۇتۋلەرى وسى ماندەردەن اسىپ ءتۇستى: باسشى لاۋازىمدارعا ۇمىتكەرلەر مەن it-ديزاين سالاسىنداعى ماماندار قاجەتتى تابىس دەڭگەيىن شامامەن 9 ملن تەڭگە, باس ديرەكتوردىڭ پوزيتسياسىنا – شامامەن 8 ملن تەڭگە كورسەتتى.
2025 جىلعى ءساۋىر ىسكەرلىك جانە ەكونوميكالىق بەلسەندىلىكتىڭ وسۋىمەن, ورتا بىلىكتىلىك دەڭگەيىندەگى بوس جۇمىس ورىندارىنا قىزىعۋشىلىقتىڭ ارتۋىمەن, سونداي-اق ەڭبەك نارىعىندا تۇراقتى جاس جانە گەندەرلىك قۇرىلىمنىڭ ساقتالۋىمەن بايقالدى. جالاقى كۇتۋلەرى مەن ۇسىنىستارىنىڭ ارتۇرلىلىگى سالالار مەن كاسىبي باعىتتاردىڭ ەرەكشەلىكتەرىن كورسەتۋدى جالعاستىرۋدا.
