فوتو: egemen.kz/ ەرلان ومار
پەداگوگتەردى جۇمىسقا قابىلداۋ بويىنشا ەڭ جوعارى كورسەتكىش تۇركىستان, الماتى, جامبىل وبلىستارى مەن شىمكەنت قالاسىندا تىركەلگەن. سونىمەن قاتار, جاس ماماندار لەگى دە ارتىپ كەلەدى. كادر قاجەتتىلىگى پەداگوگيكالىق جوعارى وقۋ ورىندارىن جاڭادان بىتىرگەن تۇلەكتەر ەسەبىنەن دە قامتاماسىز ەتىلىپ جاتىر.
«پەداگوگتار سانىنىڭ ارتۋى ەلىمىزدىڭ ورتا ءبىلىم بەرۋ جۇيەسىندەگى كادر تاپشىلىعىن جويۋعا مۇمكىندىك بەردى. بۇگىندە ەلىمىزدەگى مۇعالىمدەردىڭ 73%-ى جوعارى بىلىكتىلىك ساناتىنا يە. بۇل - كاسىبيلىك پەن ءبىلىم ساپاسىنىڭ ماڭىزدى كورسەتكىشى», دەدى وقۋ-اعارتۋ مينيسترلىگىنىڭ رەسمي وكىلى مەرەكە امانگەلدىقىزى.
پرەزيدەنتتىڭ باستاماسىمەن بيىل العاش رەت بىردەن ەكى مۇعالىمگە «ەڭبەك ەرى» اتاعى بەرىلگەن. تاعى 36 مۇعالىم مەملەكەتتىك ناگرادالارمەن ماراپاتتالىپ, 64-ءى «ۇزدىك پەداگوگ» دەپ تانىلعان. ولاردىڭ بارلىعى مەملەكەتتەن 1000 ايلىق ەسەپتىك كورسەتكىش مولشەرىندە 3,5 ميلليون تەڭگەدەن استام سىياقى العان.
