ەلىمىزدە قانداي سپورتتىق نىساندار سالىنىپ جاتىر

بيىل پەتروپاۆل قالاسىنداعى «قاراساي» ستاديونىن قايتا جاڭعىرتۋدىڭ ەكىنشى كەزەڭى اياقتالعان. ءبىرىنشى كەزەڭدە جارىقتاندىرۋ, الاڭ, تابلو جانە دىبىس جۇيەسى جاڭارتىلسا, ەكىنشى كەزەڭدە تريبۋنالار, كيىم اۋىستىراتىن بولمەلەر مەن سانيتارلىق توراپتار كۇردەلى جوندەۋدەن ءوتىپ, جاڭا كورپۋس سالىنعان.

ال قىزىلوردادا 10 000 ورىندىق ستاديوننىڭ قۇرىلىسى ءجۇرىپ جاتىر. وسى جىلعى شىلدە ايىندا اياقتاۋ جوسپارلانعان.

استانادا ق. مۇڭايتپاسوۆ اتىنداعى جاڭا ستاديوننىڭ قۇرىلىسى باستالدى. بۇل فۋتبول الاڭى 2026 جىلدىڭ I توقسانىندا پايدالانۋعا بەرىلگەن.

سونداي-اق استانادا ۇلتتىق سپورت ۋنيۆەرسيتەتىنىڭ قۇرىلىسى جالعاسىپ جاتىر. جوبا ەكى كەزەڭنەن تۇرادى. نىساندى تاپسىرۋ مەرزىمى جىل سوڭىنا جوسپارلانعان. وقۋ ورنى كوللەدجدەن باستاپ دوكتورانتۋراعا دەيىنگى تولىق ءبىلىم بەرۋ تسيكلىن قامتيدى.

تۇركىستاندا ەسكەك ەسۋ كانالىنىڭ قۇرىلىسى جالعاسىپ جاتىر. قۇرىلىستىڭ ءبىرىنشى كەزەڭى تولىقتاي اياقتالعان, ەكىنشى كەزەڭ جۇمىستارى 95% اتقارىلىپ,ء ۇشىنشى كەزەڭدەگى جۇمىس دەڭگەيى -  30% كورسەتكىشىن قۇرايدى. جۇمىستى جىل سوڭىنا دەيىن اياقتاۋ مەجەسى كوزدەلگەن.

ايتا كەتەيىك, 2024 جىلى ەلىمىزدە 90 سپورت نىسانى سالىنعان. ونىڭ 61-ءى اۋىلدىق جەرلەردە, 29-ى قالالار مەن اۋدان ورتالىقتارىندا ورنالاسقان.