ىلگەرىلەۋگە سەرپىن بەرەدى

مەن ەلىمىزدەگى وڭ وزگەرىس­تەردىڭ بارلىعىن ەلباسى نۇر­سۇلتان نازارباەۆتىڭ ساراب­دال ساياساتكەرلىگىمەن, كوسەم­دىك كورەگەندىگىمەن ساباق­تاس­تىرامىن. جاھاندىق داعدارىس جاعدايىندا ەلىمىزدى كەز كەلگەن تىعىرىقتان الىپ شىعاتىن دارا تۇلعا ەكەنىنە دە بەك سەنەمىن. سەبەبى, ەلباسىنىڭ ءسوزى مەن ءىسى قاشاندا ۇيلەسىم تاۋىپ جاتاتىنىنا مەن عانا ەمەس, بارشا قازاقستاندىقتاردىڭ كوزى جەتتى. كۇنى كەشە عانا كەزەكتەن تىس پرەزيدەنت سايلاۋىندا ايقىن باسىمدىقپەن جەڭىسكە جەتتى. بۇل نۇرسۇلتان ءابىش ۇلىنا دەگەن حالقىنىڭ قالتقىسىز سەنىمى, ىستىق ىقىلاسى دەسەم اقيقاتتان اتتاي قويماسپىن. مەملەكەت باسشىسى پرەزيدەنتتىك قىزمەتكە كىرىسۋ راسىمىندە سويلەگەن سوزىندە دامۋىمىزدىڭ بولاشاعىن قولعا ۇستاتقانداي بايانداپ بەردى. ءبىر ايتا كەتەرلىگى, ءجاي عانا بايانداعان جوق, سەنىمگە سەلكەۋ تۇسىرمەيتىندەي ەتىپ, دايەكتەدى. «مەن ءوزىمنىڭ سايلاۋالدى تۇ­عىرنامام بولعان 5 ينس­تيتۋتتىق رەفورمانى ۇسىندىم. 26 ءساۋىر كۇنگى داۋىس بەرۋ قورىتىندىسىن مەن حالىقتىڭ جەدەل تۇردە رەفورمالار جۇرگىزۋگە دەگەن تىكەلەي مانداتى رەتىندە قابىلدايمىن. مەن رەفورمالاردى جۇزەگە اسىرۋ ءۇشىن ءوزىمنىڭ بارلىق ەرىك-جىگەرىمدى, شەشىمدىلىگىمدى كورسەتىپ, مەملەكەتتىك اپپاراتتى قوعامنىڭ كۇش-جىگەرىن رەفورمالاردى ورىنداۋعا جۇمىلدىرۋ نيەتىندەمىن. اسا تاياۋ ۋاقىتتا ەل پرەزيدەنتى جانىنان جاڭعىرتۋ جونىندەگى ۇلتتىق كوميسسيا قۇرىلاتىن بولادى», دەگەن ەدى ەلباسى سول ساتتە. ايتقانداي-اق, ەلدەگى رەفورمالاردى جۇيەلى جۇرگىزۋگە بىردەن بىلەك سىبانا كىرىسىپ كەتكەنىن كوزىمىز كورىپ, كوڭىلىمىز اڭعارىپ وتىر. ۋاقىتتىڭ ىرعالىپ-جىر­عالۋدى كۇتپەيتىنىن, بۇگىنگىدەي كۇردەلى كەزەڭىندە شاپشاڭ جانە دۇرىس شەشىم قابىلداۋدىڭ ۇلگىسىن كورسەتىپ ۇلگەردى. ەلباسى جاڭعىرتۋ بويىنشا ۇلتتىق كوميسسيانى قۇرىپ, ونىڭ ميسسياسىنا جاتاتىن 5 رەفورمانى كەزەڭ-كەزەڭىمەن جۇزەگە اسىرۋدى باسقاراتىن جاۋاپتى ادامداردى دا بەلگىلەدى. بۇل پرەزيدەنتتىڭ ۇلكەن ىستەرگە ۇلكەن دايىندىقپەن, ەگجەي-تەگجەيلى زەرتتەپ, زەردەلەپ بارىپ كىرىسەتىن كىسىلىك كەلبەتى ەكەنى داۋسىز. ەلباسى ايتقانداي, ۇلتتىق كوميسسيا جانىندا قۇرامى بەدەلدى شەتەلدىك جانە قازاقستاندىق ساراپشىلاردان تۇراتىن حا­لىق­ارالىق كونسۋلتاتيۆتىك كە­ڭەستىڭ جۇمىس ىستەۋى دە بۇل با­عىتتاعى جۇمىستاردىڭ قاي­تارىمدىلىعىن قامتاماسىز ەتە­تىن قادام. ياعني, ۇلتتىق كوميسسيا ىلگەرىلەۋ مەن ىلكىمدى ىستەرگە بەرىك تۇعىر قالايتىن بولادى. جاڭعىرتۋ جونىندەگى ۇلتتىق كوميسسيانىڭ بەس حالىقتىق رەفورمانىڭ ويداعىداي جۇزەگە اسۋىن عانا قامتاماسىز ەتىپ قويماي, قاناتتاس اتقارىلاتىن جۇمىستارعا قوزعاۋ سالىپ, قار­قىن بەرەرىنە سەنىم مول. ۇلت­تىق كوميسسيا جۇمىسىنىڭ ۇلت­قا قىزمەت ەتۋىنىڭ ارقاسىندا بۇ­رىن­عىدان گورى دە بيىك بەلەستەرگە قول جەتكىزەمىز دەپ ويلايمىن. مۇحتار ميروۆ, ق.جۇبانوۆ اتىنداعى مەملەكەتتىك وڭىرلىك ۋنيۆەرسيتەتىنىڭ تاربيە ءىسى جانە الەۋمەتتىك-ەكونوميكالىق ماسەلەلەر جونىندەگى پرورەكتورى, پروفەسسور. اقتوبە وبلىسى.