جارقىن بولاشاققا سارا جول

ەلىمىز ءۇشىن ماڭىزدى بولعان ساياسي ناۋقاندا ەلباسىمىز نۇرسۇلتان نازارباەۆتىڭ ايقىن باسىمدىقپەن جەڭىپ شىعۋى قازاقستان حالقى ءۇشىن زور مارتەبە بولدى. ءبىزدىڭ جارقىن جەڭىسىمىز – كوشىمىزدىڭ ءتۇزۋ, كوكجيەگىمىزدىڭ شۋاقتى, باعىتىمىزدىڭ دۇرىس ەكەنىن تاعى ءبىر ايعاقتاي ءتۇستى. ەلدىڭ تىلەگىمەن وتكەن, تاعى­لى­مى تاريحىمىزعا ەنگەن سايلاۋ­دىڭ ناتيجەسى – توككەن تەر, ەتكەن ەڭبەكتىڭ باعاسى دەپ بىلە­مىن. كۇنى كەشە عانا قالىڭ حالىق­تىڭ قاتىسۋىمەن ەلوردامىزدا ەل­باسىمىزدى ۇلىقتاۋ ءراسىمى سال­تاناتتى تۇردە اتالىپ ءوتتى. ەلىمىزدەگى تۇراقتىلىقتى كوزىنىڭ قاراشىعىنداي ساقتاپ وتىرعان ەلباسىنا قانداي قۇرمەت كورسەت­سە دە ارتىق ەمەس. ەگەمەن­دىك العان­نان باستاپ حالقىنىڭ باقىتتى ءومىرى, باياندى بولاشاعى ءۇشىن بار قاجىر-قايراتىمەن ەسەلى ەڭبەك ەتىپ كەلە جاتقان ەلباسى تاعى دا يىعىنا باتپان جۇك ارتىپ, ەلدىڭ جارقىن بولاشاعىن قاي­ىسپاي كوتەرۋگە بەلدى بەكەم بۋدى. تاعدىرى تۇتاس, تىلەگى ۇق­­­­­ساس­ قا­زاقستان حالقىنىڭ باسىن ءبىر شا­ڭىراق استىنا بىرىكتىرىپ وتىر­­­عان ەلباسىنىڭ سارابدال سايا­ساتى قاشاندا ءبىزدىڭ ەلىمىز ءۇشىن باع­دارشام ىسپەتتەس. نۇرسۇلتان ءابىش­ ۇلىنىڭ ەسەلى ەڭبەگى, توككەن تەرىنىڭ ارقاسىندا ءبىزدىڭ ەل بۇگىندە كوزدى اشىپ-جۇمعانشا الەۋەتى اسقان, داۋلەتى تاسقان, ىرگەسى بەرىك, بەدەلى زور ايبىندى ەلگە اينالدى. وسىنداي زور ەڭبەكتىڭ وتەۋى رەتىندە قازاقستان حالقى تاعى دا ەلباسىنا زور سەنىم ارتىپ, تاڭداۋ جاسادى. ىزگىلىك نۇرىن شاشقان استانا­نىڭ تورىندە ءوز پرەزيدەنتىن ۇلىق­تاپ, بەيبىتشىلىك پەن كەلى­سىمنىڭ كيەلى كىلتىن ۇسىندى. «كوپ تىلەگى – كيەلى, جۇرتتىڭ ءسوزى – ءۋالى»دەگەندەي, ەلباسىنىڭ اق كيىز­­­دىڭ ۇستىندە تۇرىپ, اماناتقا ادال­دىق, سەرتكە سەنىمدىلىك تانىتىپ, حالىق الدىندا قابىلداعان انتى ءبىزدى رۋحتاندىردى. بۇگىندە ءبىزدىڭ باعدارىمىز – ايقىن, ەندەشە, بولاشاعىمىز – جارقىن! ءبىز ەلباسىمەن كەمەل كەلەشەگىمىزدىڭ بەرىك ىرگەسىن بىرگە قالايمىز! نۇرباقىت قابدىكارىموۆا, سوتسياليستىك ەڭبەك ەرى, قارقارالى اۋدانىنىڭ قۇرمەتتى ازاماتى. قاراعاندى وبلىسى, قارقارالى اۋدانى.