ميسسيا جەتەكشىسىمەن كەزدەستى

سىرتقى ىستەر ءمينيسترى ەرلان ىدىرىسوۆ ەقىۇ دە­موكراتيالىق ينستيتۋتتار جانە ادام قۇقىقتارى جونىندەگى بيۋروسىنىڭ (دياقب) قازاقستان رەسپۋبلي­كاسىنىڭ پرەزيدەنتىنىڭ كەزەكتەن تىس سايلاۋىن بايقاۋ جونىندەگى ميسسياسىنىڭ جەتەكشىسى كورنەليا يونكەرمەن كەزدەستى. كەزدەسۋ بارىسىندا قازاق­ستان سىرتقى ساياسات مەكەمەسىنىڭ باسشىسى ميسسياعا اتقارىلعان جۇمىسى ءۇشىن العىسىن ءبىلدى­رىپ, سايلاۋدى ءتيىمدى ۇيىمداس­تىرعانى جونىندە ەقىۇ/دياقب وڭ باعاسىن قولدادى. ك.يونكەر ءوز كەزەگىندە ەقىۇ/دياقب ميسسياسىن شاقىرۋ مەن ونىڭ قازاقستانداعى جۇمىسىنا تاجىريبەلىك تۇرعىدا ىقپال جاساعانى ءۇشىن العىسىن جەتكىزدى. ە.ىدىرىسوۆ اتاپ وتكەندەي, داۋىس بەرۋ ناتيجەلەرى حالىقتىڭ ءىس جۇزىندە ۇلت كوشباسشىسىن, ونىڭ تۇراقتىلىق ساياساتى مەن ەلىمىزدىڭ ءبىراز جىلدارعا جان-جاقتى ءارى نىق قاداممەن دامۋىن قولدايتىنىن انىق كورسەتتى. مينيستر ك.يونكەردى جەمىستى جۇزەگە اسىرىلىپ وتىرعان ادام كاپيتالىنا ينۆەستيتسيا قۇيۋ سايا­ساتىمەن, قازاقستانداعى الداعى ۋاقىتتاعى ينستيتۋتتىق رەفور­مالار مەن جاڭعىرتۋ ءجونىن­دەگى ۇلتتىق كوميسسيانى قۇرۋ ۇدەرىسىمەن, سونىڭ ىشىندە جوعارى بىلىكتى ۇكىمەت قۇرۋ, زاڭ ۇستەمدىگىن قامتاماسىز ەتۋ, مەملەكەتتىڭ ەسەپتى بولۋىن ارتتىرۋ جانە ەكونوميكانى ءارتاراپتاندىرۋ ماسەلەلەرىمەن تانىستىردى. كەزدەسۋ قورىتىندىسى بويىنشا ەقىۇ مەن ونىڭ ينستيتۋتتارىمەن ءداستۇرلى بەلسەندى قارىم-قاتىناستى ءارى قاراي نىعايتا بەرۋ تۋرالى كەلىسىمگە قول جەتكىزىلدى. «ەگەمەن-اقپارات».