اتالعان رەيتينگ 250 مىڭنان استام رەسپوندەنتتىڭ پىكىرىنە جانە الەۋمەتتىك-ەكونوميكالىق دەرەكتەرگە سۇيەنە وتىرىپ جاسالعان. ناتيجەسىندە قازاقستان الەمدىك دەڭگەيدە 70-ورىننان كورىنىپ, بىرقاتار ەلدەردى ارتتا قالدىردى.
شۆەيتساريا, نورۆەگيا جانە يسلانديا سەكىلدى ەۋروپانىڭ الدىڭعى قاتارلى مەملەكەتتەرى ءتىزىمنىڭ باسىنان ورىن السا, قازاقستان بالتىق ەلدەرى مەن رەسەيدەن كەيىنگى پوزيتسيادا ورنالاسقانىمەن, بۇرىنعى كەڭەس وداعى قۇرامىنداعى كوپتەگەن ەلدەردەن وزىق تۇر. ماسەلەن, تۋركمەنستان – 96, وزبەكستان – 108, قىرعىزستان – 119, تاجىكستان – 128-ورىنداردا تۇر. بۇل — قازاقستاننىڭ وڭىرلىك كوشباسشى رەتىندەگى ورنىن ايقىنداي تۇسەدى.
HPI يندەكسى ءۇش نەگىزگى ولشەمگە نەگىزدەلگەن: تۇراقتىلىق, ومىرگە قاناعاتتانۋشىلىق جانە ەركىندىك. بۇل كورسەتكىشتەر قوعامداعى الەۋمەتتىك كوڭىل-كۇيدى, مەملەكەتتىڭ دامۋ دەڭگەيىن جانە ازاماتتاردىڭ ءوز بولاشاعىنا دەگەن سەنىمىن سيپاتتايدى.
