اتىراۋ گتس-1 گاز قۇبىرى-بۇرماسىندا قۇبىردى اۋىستىرۋ
ەسەپتى كەزەڭدە گازبەن جابدىقتاۋداعى ىشكى ىركىلىستەر تىركەلگەن جوق, گاز تاسىمالداۋ جۇيەسى (گتج) شتاتتىق رەجىمدە جۇمىس ىستەدى. ەل ىشىندە گاز تۇتىنۋ وتكەن ماۋسىممەن سالىستىرعاندا 6%-عا ءوستى, بۇل ەنەرگەتيكالىق قاجەتتىلىكتەر مەن ونەركاسىپتىك بەلسەندىلىكتىڭ ءوسۋىن كورسەتەدى.
تۇراقتىلىقتى قامتاماسىز ەتۋگە جەراستى گاز قويمالارى (جاگق) ەلەۋلى ۇلەس قوستى. ءۇش قويمادان گازدى الۋدىڭ جالپى كولەمى 11%-عا – 2,78 ملرد تەكشە مەتردەن 3,08 ملرد تەكشە مەترگە دەيىن ءوستى.
انىقتاما:
2023–2024 جىلدار كەزەڭىندە – 2 779,2 ملن تەكشە مەتر;
2024–2025 جىلدار كەزەڭىندە – 3 088,6 ملن تەكشە مەتر.
«بوزوي» جاگق-نى ەرەكشە اتاپ وتكەن ءجون. وندا تاريحتا تۇڭعىش رەت رەكوردتىق كولەم الىندى – جوسپارداعى 2,5 ملرد تەكشە مەتردىڭ ورنىنا 2,6 ملرد تەكشە مەتر (ورىندالۋى 104%-دى قۇرادى).
«سارىارقا» مگق «استانا-2» اگتس
وڭىرلەردەگى جۇمىس
كۇزگى-قىسقى كەزەڭنەن ءوتۋ كەزىندە گازعا جوعارى سۇرانىس جاعدايىندا دا جوندەۋ, پروفيلاكتيكالىق جۇمىسى ءساتتى جۇرگىزۋ ماڭىزدى جەتىستىك بولدى.
كۇزگى-قىسقى كەزەڭدى تولىق ءساتتى وتكىزگەن اتىراۋ, ورال, اقتوبە, قوستاناي, شىمكەنت, قاراعاندى فيليالدارىن ەرەكشە اتاپ ءوتۋ قاجەت.
ماسەلەن, اتىراۋ فيليالى قىسقا مەرزىمدە ۋاقىتشا شەكتەۋ كەزەڭىندە اتىراۋ قالاسىن ۇزدىكسىز گازبەن جابدىقتاۋدى قامتاماسىز ەتە وتىرىپ, گتس-1 گاز قۇبىرى-بۇرماسىندا 12 اقاۋلى قۇبىردى اۋىستىردى.
اقتوبەدەگى فيليال گاز قۇبىرىنىڭ ەكى تارماعىن جوبالىق قىسىمعا شىعارۋ بويىنشا اۋقىمدى جۇمىستار جۇرگىزدى, بۇل گاز قۇبىرىنىڭ وتكىزۋ قابىلەتىن ارتتىرۋعا مۇمكىندىك بەردى, قىس مەزگىلىندە قولدانىستاعى جۇيەلەردى توقتاتپاي, قوسىمشا ءۇشىنشى تارماقتى قوسۋدى قامتاماسىز ەتتى.
قوستاناي وبلىسىندا قىسقا مەرزىمدە «قارتالى – رۋدنىي» ماگيسترالدىق گاز قۇبىرىنداعى اقاۋلى قۇبىرلار اۋىستىرىلدى, بۇل وڭىرگە گاز جەتكىزۋ سەنىمدىلىگىن ارتتىردى.
جالپى, كقك-گە دايىندىق شەڭبەرىندە ەل كولەمىندە قۇبىرلاردىڭ 1 312 اقاۋلى ۋچاسكەسى جويىلدى, گەرمەتيكالىق ەمەس كراندار اۋىستىرىلدى, بۇل اتموسفەراعا گاز شىعارىندىلارىن جىلىنا 134 مىڭ تەكشە مەترگە قىسقارتۋعا مۇمكىندىك بەردى.
بەكىتىلگەن جوسپارلارعا سايكەس بارلىق ءىس-شارالار 100% ورىندالدى, وبەكتىلەردىڭ كۇزگى-قىسقى كەزەڭنەن وتۋگە دايىندىق پاسپورتتارى ءدال بەلگىلەنگەن مەرزىمدە بەكىتىلدى.
حالىقارالىق ىنتىماقتاستىق
2025 جىلعى 24 اقپاننان 8 ناۋرىزعا دەيىنگى تومەن تەمپەراتۋرا كەزەڭىندە رەسەيدىڭ سولتۇستىك كاۆكاز فەدەرالدى وكرۋگىندە «گازپروم» جاق ءوتىنىمى بويىنشا «ينتەرگاز ورتالىق ازيا» اق ەلىمىزدىڭ ىشكى گازبەن جابدىقتاۋ كولەمىن تولىعىمەن ساقتاي وتىرىپ, «سويۋز» – «ورتا ازيا – ورتالىق» – «ماقات – سولتۇستىك كاۆكاز» باعىتى بويىنشا 112,2 ملن تەكشە مەتر رەسەيلىك گاز ءترانزيتىن ءساتتى قامتاماسىز ەتتى.
الداعى كەزەڭگە دايىندىق
كەلەسى جىلىتۋ ماۋسىمىنا دايىندىق جوسپارلارى بەكىتىلىپ, ىسكە اسىرىلىپ جاتىر. جۇمىستار جوسپارلى تارتىپپەن جۇرگىزىلەدى, ولاردىڭ ورىندالۋى تۇراقتى نەگىزدە باقىلانادى. گتج نىساندارىن دايىنداۋدى 2025 جىلدىڭ 1 قازانىنا دەيىن اياقتاۋ جوسپارلانعان.
نەگىزگى ءىس-شارالار قاتارىندا:
- «بۇحارا-ورال», «بگا-تبا», «سويۋز», «ورىنبور-نوۆوپسكوۆ», «قارتالى-رۋدنىي» ماگيسترالدىق گاز قۇبىرلارى بويىنشا ماگيسترالدىق گاز قۇبىرلارىنىڭ 250 ۋچاسكەسىن جوندەۋ;
- كومپرەسسورلىق ستانتسيالارداعى «پولتوراتسكوە», «اقىرتوبە» سكس نەگىزگى جانە قوسالقى جابدىقتارىنىڭ پروفيلاكتيكاسىن جۇرگىزۋ, سونداي-اق «بوزوي» جاگق سكس پحد نك-12ست قوزعالتقىشتارىنىڭ گاا كۇردەلى جوندەۋىن اياقتاۋ;
- «بوزوي» جاگق-عا گاز ايداۋ 2,8 ملرد م3 دەيىن, «پولتوراتسكوە» – 362,9 ملن م3 دەيىن, «اقىرتوبە» – 146,6 ملن م3 دەيىن. گاز ايداۋدى جوسپارلى اياقتاۋ – 15.09.2025 ج.;
- «اقىرتوبە» جاگق-عا گاز ايداۋ 146,6 ملن.م3 دەيىن. گاز ايداۋدى جوسپارلى اياقتاۋ – 29.09.2025 ج;
- «پولتوراتسكوە» جاگق-عا 362,9 ملن. م3 دەيىن گاز ايداۋ. گاز ايداۋدى جوسپارلى اياقتاۋ – 20.10.2025 ج.
سونىمەن قاتار ءتىپتى كقك جۇكتەمەسى كوپ كەزەڭىندە, «ينتەرگاز ورتالىق ازيا» اق رەسەيلىك گازدىڭ وزبەكستانعا ءترانزيتىن قامتاماسىز ەتۋ ماقساتىندا «ورتا ازيا — ورتالىق» گاز تاسىمالداۋ جۇيەسىنىڭ وتكىزۋ قابىلەتىن ارتتىرۋ جونىندەگى جوبانى ۇزدىكسىز ىسكە اسىرىپ جاتقانىن اتاپ ءوتۋ قاجەت. بۇگىندە 2025 جىلعا جوسپارلانعان 6 222 قۇبىردىڭ 2 481 اقاۋلى ۋچاسكەسى جويىلدى.
