جاڭاارقا تىرشىلىگى جاندانا ءتۇستى

شارۋاشىلىقتار 4 061,8 توننا ەت, 2 113,1 توننا ءسۇت, 562,1 مىڭ دانا جۇمىرتقا وندىر­گەن. مال باسى دا ءوسىپ جاتىر. ءىرى قارا 68 600, قوي 99 961, ەشكى 16 441, جىلقى 92 658, تۇيە ­249 باسقا جەتتى. 40 شارۋاشىلىق مالدى اسىلداندىرۋ باعىتىن­دا جۇمىس ىستەيدى. ولاردا 4 635 اسىل تۇقىمدى مال باسى بار.

اسىل تۇقىمدى ەت باعىتىن­داعى قازاقتىڭ اقباس (2 929 باس) ءىرى قارا مالىن وسىرۋمەن 25 شارۋاشىلىق, گەرەفورد (839 باس) وسىرۋمەن 10 شارۋاشى­لىق, «اۋليەكول» اسىل تۇ­قىم­دى (779 باس) ءىرى قارا مالى­مەن 3 شارۋا قوجالىعى جانە سيم­مەنتال سيىرىن (88) وسى­رۋمەن 2 شارۋاشىلىق اينالىسادى. سونىمەن قاتار 1 195 اسىل تۇ­قىم­دى «جابى» جىلقىسىن, 10 788 باس سارىارقا قىل­شىق ءجۇن­دى, قۇيرىقتى ەتتى, مايلى با­عىتىنداعى ەدىلباي, دەگە­رەس اسىل تۇقىمدى قوي مالى وسى­رىلەدى.

اقتاۋ اۋىلدىق وكرۋگىنە قا­­­­­راستى « ۇلى دالا» جشس-دە جو­­­­بالىق قۇنى 1 215,0 ملن تەڭ­­گە تۇ­راتىن اۋقىمدى جوبا ىسكە اسى­رىلىپ جاتىر. قانات قوس­­داۋلەتوۆ باسقاراتىن كاسىپ­ورىن­دا مال سويۋ تسەحى, سالقىن­دات­قىش قويمالار بار. جوبالىق قۋاتى – جىلىنا 1 164 توننا ەت ونىمدە­رىن ءوندىرۋ. قازىر ەت كوم­بيناتى مەن كونسەر­ۆى تسەحى ىسكە قوسىل­عان. كاسىپ­ورىن وبلىس­تا ءبىرىنشى بولىپ قاتار رەس­پۋبليكاسىنا 300 باس نەمەسە 7 تون­نا قوي ەتىن ەكسپورتتاپ ­تا ۇلگەردى.

اۋدانداعى 8 شارۋا قوجا­لىعى 1 590 گەكتارعا – ارپا, 16 گەكتارعا – س ۇلى, 335 گەكتارعا بيداي ەگىپ وتىر. جىل باسىنان بەرى اۋىل شارۋاشىلىعى سالاسىنا تارتىلعان ينۆەستيتسيا كولەمى – 320 ملرد تەڭگە.

«اۋىل اماناتى» باعدار­لاماسى شەڭبەرىندە ۇلىتاۋ وبلىسىنا 2023–2024 جىلدارى 3 ملرد 370 ملن تەڭگە بولىنسە, سونىڭ 1 ملرد 709 ملن 224 مىڭ تەڭگەسىن جاڭاارقا اۋدانى يگەرىپ جاتىر. تۇرعىندار ونىڭ 90%-ىنا مال السا, 10%-ىنا ءتۇرلى باعىتتا كاسىپ اشىپتى.

«بيىل وندىرىلەتىن ءونىم كولەمىن 34 ملرد تەڭگەگە, اۋىل شارۋاشىلىعىنداعى ين­ۆەس­­­تي­تسيانى 1 ملرد 360 ملن تەڭ­­گە­گە جەتكىزۋ جوسپارلان­عان. تەحنيكانى 80 بىرلىككە جاڭارتۋ كوزدەلەدى. 292 مىڭ توننا ءشوپ دايىندالىپ, 1 941 گەكتارعا ءداندى داقىل ەگىلەدى», دەيدى اۋىل شارۋاشىلىعى ءبولىمىنىڭ باسشىسى سارسەنبەك امانگەلدى ۇلى.

جاقىندا جەزقازعان قالا­سىندا «اۋىل بەرەكە – 2025» جارمەڭكەسى ءوتىپ, وعان جاڭا­ارقا اۋدانىنىڭ تۇكپىر-تۇك­پى­رىندەگى اۋىلداردان شارۋا قوجالىقتارى قاتىسىپ, ونىم­دەرىن ۇسىندى. جارمەڭكەدە نارىق باعاسىنان 10-15%-عا تومەن باعامەن 17,4 ملن تەڭگەگە 3,5 توننا سيىر ەتى, 1,4 توننا جىلقى ەتى, قوي ەتى جانە 1 تون­ناعا جۋىق ءسۇت ونىمدەرى ساۋ­داعا شىعارىلىپ, ساتىلدى.

ۇلىتاۋ وبلىسى,

جاڭاارقا اۋدانى