استانا. 20 ماۋسىم. الماتىنىڭ المالى اۋدانى «تاستاق» شاعىن اۋدانىنداعى اۋلالاردىڭ بىرىندە 5 اۆتوكولىك ورتەنىپ كەتتى. بۇل تۋرالى قالالىق توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى.
توتەنشە جاعداي اتالعان شاعىن اۋداننىڭ دۇيسەنوۆ كوشەسىندەگى 100-ءۇيدىڭ اۋلاسىندا بولدى. ءورت تۋرالى اقپار تاڭعى ساعات 4:30-دا كەلىپ تۇسكەن. ونى ءوشىرۋ ءۇشىن 2 تەحنيكا بىرلىگى مەن 13 قىزمەتكەر جۇمىلدىرىلدى. ءتىلسىز جاۋ 32 مينۋتتان كەيىن تولىق ءسوندىرىلدى.
اپات سالدارىنان زارداپ شەككەندەر جوق. وتقا ورانعان Mitsubishi Pajero, Lada Samara, Honda CR-V, Chrysler 300 جانە Toyota كولىكتەرى مۇلدەم جارامسىز بولىپ قالدى.
كۋاگەرلەردىڭ ايتۋىنشا, Chrysler كولىگىنەن ءورت شىققان كەزدە, ونىڭ قاسىندا بىرنەشە جاس جىگىت ەرەگىسىپ تۇرعان. كەيىن قىزىل جالىن لەزدە جانىنداعى باسقا كولىكتەردى دە شارپىپ ۇلگەرەدى.
ەلامان قوڭىر.
دەرەك: الماتى قالالىق توتەنشە جاعدايلار دەپارتامەنتىنىڭ ءباسپاسوز قىزمەتى.
سۋرەت: tengrinews.kz.
