فوتو: اشىق دەرەككوز
اۋقىمدى جارىستار حالىقارالىق ات سپورتى فەدەراتسياسىنىڭ (FEI) رەسمي قولداۋىمەن, حالىقارالىق ستاندارتتارعا سايكەس ۇيىمداستىرىلادى. ءىس-شاراعا الىس جانە جاقىن شەتەلدەن, اتاپ ايتقاندا, التى ەلدىڭ ۇزدىك قۇرامالارى قاتىسادى دەپ كۇتىلەدى.
ء«ۇش كۇن ىشىندە 60-تان اسا ۇزدىك سپورتشى ءار ءتۇرلى كەدەرگىلەردەن تۇراتىن مارشرۋتتار مەن اتپەن جۇرۋدەن ءوز شەبەرلىكتەرىن كورسەتەدى دەپ جوسپارلانعان. كونكۋر – ول جىلقىنىڭ جانە شاباندوزدىڭ كەدەرگىلەردەن ءوتۋ قابىلەتىن انىقتايتىن وليمپيادالىق سپورت ءتۇرى. ماقسات – قاشىقتىقتى قاتەلىكسىز ءارى مۇمكىندىگىنشە قىسقا ۋاقىت ىشىندە ەڭسەرۋ. اتپەن مانەرلەپ ءجۇرۋ – ات سپورتىنىڭ جوعارى دەڭگەيى, مۇندا شاباندوز بەن ات ارنايى ارەنادا دالدىكپەن جانە ۇيلەسىمدىلىكپەن ءتۇرلى قيمىلداردى ورىندايدى», دەپ حابارلايدى ات سپورتى فەدەراتسياسىنىڭ ءباسپاسوز قىزمەتى
اتالعان جارىستىڭ استانادا ءوتۋى ەلىمىزدەگى ات سپورتىنا دەگەن قىزىعۋشىلىقتىڭ ارتىپ كەلە جاتقانىنىڭ كورىنىسى. بۇل تۋرنير قازاقستاندىق سپورتشىلار ءۇشىن تاجىريبە الماسۋ, شەتەلدىك مىقتى قارسىلاستارمەن باسەكەگە ءتۇسۋ, سونداي-اق حالىقارالىق تۋرنيرلەرگە جولداما الۋ مۇمكىندىگى بولىپ وتىر.
ايتا كەتەيىك, 2025 جىلعى الەم كۋبوگى كەزەڭدەرىنىڭ ەۋرازيالىق ليگاسى سەگىز كەزەڭنەن تۇرادى: تاشكەنت (وزبەكستان) – 1 جانە 2 كەزەڭ, بىشكەك (قىرعىزستان) – 3, استانا (قازاقستان) – 4, تبيليسي (گرۋزيا) – 5 جانە 6, ەرەۆان (ارمەنيا) – 7, تەگەران (يران) – 8. ليگا اياسىندا وتەتىن «Grand Prix» باس مارشرۋتىنىڭ قورىتىندىسى بويىنشا 2025 جىلعى كونكۋر بويىنشا الەم كۋبوگىنىڭ فينالىنا ليتسەنزيا ساراپقا سالىنادى.
