تارازدا ورتەنگەن اكىمشىلىك عيمارات 2 كۇن ىشىندە قالپىنا كەلتىرىلەدى

تاراز. 20 ماۋسىم. بۇگىن وبلىس اكىمى كارىم كوكىرەكباەۆ كەشە تاراز قالاسىنىڭ ورتالىعىندا ورتكە ورانىپ, 8 ادام زارداپ شەككەن اكىمشىلىك عيماراتىنا ارنايى باردى. بۇل تۋرالى جامبىل وبلىسى اكىمىنىڭ ءباسپاسوز قىزمەتى حابارلادى. ءوڭىر باسشىسى وبلىس اكىمدىگىنىڭ باسقارمالارى مەن باسقا دا مەكەمەلەر ورنالاسقان عيماراتتى 2 كۇننىڭ ىشىندە قالپىنا كەلتىرۋدى تاپسىردى. «كەشە تۇستەن كەيىن اتالعان عيماراتتا ەلەكتر جەلىسىنىڭ تۇيىقتالۋىنان ءورت شىقتى. سالدارىنان 4 ادام اۋرۋحانادا جاتىر. قازىر عانا مەن قالالىق اۋرۋحاناعا بارىپ ولاردىڭ حال-جاعدايىن سۇرادىم. ولاردىڭ ومىرىنە ەشقانداي قاۋىپ ءتونىپ تۇرعان جوق, قاجەتتى ءدارى-دارمەكتىڭ ءبارى جەتكىلىكتى. مەنىڭشە, 2 كۇننىڭ ىشىندە عيماراتتى قالپىنا كەلتىرىپ, دۇيسەنبىدەن باستاپ بارلىق قىزمەتكەرلەر ءوز جۇمىستارىنا كىرىسەتىن بولادى», – دەدى كارىم كوكىرەكباەۆ. بۇدان وزگە, وبلىس باسشىسىنىڭ تاپسىرماسىمەن ارنايى كوميسسيا قۇرىلىپ, كەشە شۇعىل جينالىس وتكىزىلدى. قازىر وڭىردەگى ءىرى ءوندىرىس ورىندارى مەن كاسىپكەرلەر قالپىنا كەلتىرۋگە جۇمىلدىرىلدى. بۇگىن تاڭەرتەڭ قالپىنا كەلتىرۋ جۇمىستارى باستالىپ, قۇرىلىسقا 200 ادام تارتىلدى. ءۇش ساعاتتىڭ ىشىندە قىزىل جالىندى ءسوندىرۋ ءۇشىن 350 ادام مەن 75 تەحنيكا تارتىلدى. كەشە كەيبىر باق ءورت وبلىس اكىمى اپپاراتىنىڭ عيماراتىندا تۇتاندى دەپ جالعان اقپارات تاراتقان ەدى. سوعان بايلانىستى وبلىس اكىمىنىڭ ءباسپاسوز قىزمەتى ءورتتىڭ ءوڭىر باسشىسى اپپاراتىنىڭ عيماراتىندا ەمەس, تاراز قالاسىنىڭ ورتالىعىندا ورنالاسقان اكىمشىلىك عيماراتتا بولعانىن حابارلادى. ورالحان ءداۋىت. دەرەك, سۋرەت: جامبىل وبلىسى اكىمىنىڭ ءباسپاسوز قىزمەتى.