فوتو: egemen.kz/ ەرلان ومار
«كەلەشەك» جاڭا جيناقتاۋ جۇيەسىنىڭ قاتىسۋشىسى بولۋ ءۇشىن وتباسى بانكىنەن «AQYL» ءبىلىم بەرۋ جيناقتاۋ سالىمىن اشۋ قاجەت.
جەتىم بالالار مەن اتا-اناسىنىڭ قامقورلىعىنسىز قالعان بالالار ءۇشىن باستاپقى ءبىلىم بەرۋ كاپيتالى 2025 جىلى 471 840 تەڭگە بولىپ بەكىتىلگەن. بۇدان باسقا ساناتتار ءۇشىن مەملەكەت اشىلعان ءار شوتقا 235 920 تەڭگە اۋدارادى.
مەملەكەتتەن 235 920 تەڭگە كولەمىندەگى باستاپقى كاپيتالدى الۋ قادامدارى قانداي؟
«AQYL» دەپوزيتىن مىناداي جولمەن اشۋعا بولادى:
- باسپانا ماركەت پورتالىندا. ول ءۇشىن otbasybank.kz سايتىنداعى جەكە كابينەتىڭىزگە كىرىڭىز, «مەنىڭ بانكىم» اشىپ, «دەپوزيتتەرگە» ءوتۋ كەرەك. ءارى قاراي, «جاڭا دەپوزيت» باتىرماسىن باسىپ, «AQYL» دەپوزيتىن اشاسىز;
- وتباسى بانكتىڭ «Otbasy bank» ءموبيلدى قوسىمشاسىندا دا شوت اشۋعا بولادى. ول ءۇشىن ءموبيلدى قوسىمشادا «مەنىڭ بانكىم» باتىرماسىن باسىپ, «جاڭا دەپوزيتتى اشۋ» كەزەڭىنە ءوتىپ, «AQYL» دەپوزيتىن تاڭداۋ كەرەك;
- بانك بولىمشەلەرىندە دە شوت اشۋ ءۇشىن العاشقى قادامدى جاساي الاسىز.
- كەڭەسشىلەردىڭ كومەگىمەن. سىلتەمە ارقىلى ءوز قالاڭىزدان كەڭەسشى تاڭدايسىز: https://hcsbk.kz/network-agents/.
وتباسى بانكىندە «AQYL» دەپوزيتتەرى اشىلعان ادامدار نە ىستەۋى كەرەك؟
2025 جىلدىڭ ءبىرىنشى جارتىجىلدىعىندا 5 جاسقا تولاتىن بالالاردىڭ اتا-انالارىنا 2025 جىلدىڭ 15 مامىرىنان 30 ماۋسىمىنا دەيىن باسپانا ماركەت پورتالىنداعى (otbasybank.kz) نەمەسە Otbasy bank ءموبيلدى قوسىمشاسىنداعى جەكە كابينەتتە «AQYL» دەپوزيتىنە قوسىمشا كەلىسىمگە قول قويۋى قاجەت. بۇل جاعدايدا باستاپقى ءبىلىم بەرۋ كاپيتالى قولدانىستاعى دەپوزيتكە ەسەپتەلەدى. اقشا 2025 جىلدىڭ 31 تامىزىنا دەيىن تۇسەدى.
1 شىلدە مەن 31 جەلتوقسان ارالىعىندا 5 جاسقا تولاتىن بالالار دا بيىلعى جىلى قوسىمشا كەلىسىمگە قول قويۋى كەرەك. بۇل كەزەڭ ءۇشىن قاراجات 2026 جىلدىڭ 28 اقپانىنا دەيىن ءتۇسۋى ءتيىس.
«كەلەشەك» باعدارلاماسىنان تىس «AQYL» دەپوزيتىن كەز كەلگەن جاستا اشۋعا بولادى. ونى نەعۇرلىم تەزىرەك اشۋ ارقىلى, بولاشاق ءبىلىم الۋعا سوعۇرلىم ىڭعايلى جانە ءتيىمدى قاراجات جيناۋ مۇمكىندىگى بار. 2025 جىلدان باستاپ «AQYL» ءبىلىم بەرۋ جيناقتاۋ سالىمىن اۆتوماتتى تۇردە ۇزارتۋمەن كەمىندە 1 جىل مەرزىمگە اشۋعا بولادى. زاڭ دەپوزيتتىڭ جىلدىق ءتيىمدى مولشەرلەمەسىن رەتتەيدى. ەندى بۇل ۇلتتىق بانكتىڭ بازالىق مولشەرلەمەسىنە بايلانىستى. مىسالى, قازىرگى ۋاقىتتا قر ۇب بازالىق مولشەرلەمەسىنىڭ دەڭگەيى 16,5% قۇرايدى, دەمەك, سالىم مەرزىمى 1 جىل بولعاندا دەپوزيت بويىنشا جتسم 14,5%-دان تومەن بولمايدى. دەپوزيت جاڭا مەرزىمگە ۇزارتىلعان كەزدە, جتسم قولدانىستاعى بازالىق مولشەرلەمەگە سايكەس اۆتوماتتى تۇردە وزگەرەدى. بانكتىڭ ەسەپتەلگەن سىياقىسى اي سايىن كاپيتالداندىرىلادى. بۇل وعان دا بانكتىڭ سىياقىسى ەسەپتەلەتىنىن بىلدىرەدى. سونىمەن قاتار, مەملەكەت جىل سايىن «AQYL» دەپوزيتتەرىنە سىيلىقاقى ەسەپتەيدى. سالىمشىلاردىڭ بارلىق ساناتتارى ءۇشىن ول 5% تەڭ. جەتىم بالالارعا, اتا-اناسىنىڭ قامقورلىعىنسىز قالعان بالالارعا, مۇمكىندىگى شەكتەۋلى بالالارعا, كوپ بالالى وتباسىلاردان شىققان جانە از قامتىلعان وتباسىلاردان شىققان بالالارعا اشىلعان دەپوزيتتەرگە 7% مولشەرىندە مەملەكەتتىك سىيلىقاقى ەسەپتەلەتىن بولادى», دەلىنگەن «وتباسى بانك» جولداعان جاۋاپتا.
«AQYL» دەپوزيتى اياسىندا جىل سايىن دەپوزيتكە ەسەپتەلەتىن سىيلىقاقىنىڭ ەڭ جوعارى مولشەرى 2025 جىلى - 393 200 تەڭگە. مەملەكەتتىك سىيلىقاقىنى جيناقتاۋدىڭ ەڭ از مەرزىمى 1 جىل بولعاندا ەسەپتەلەدى, ياعني ونى الۋ ءۇشىن سالىم ءبىر جىلعا تولۋى ءتيىس. ەگەر بۇل دەپوزيتتى 2025 جىلدىڭ اقپانىندا اشقان بولساڭىز, وندا مەملەكەتتىك سىيلىقاقى 2027 جىلى ەسەپتەلەدى, ويتكەنى 2026 جىلدىڭ 1 قاڭتارىندا دەپوزيتتىڭ اشىلعانىنا نەبارى 11 اي بولادى.
دەپوزيتتى اشۋ ءۇشىن جيناقتاۋشى مىندەتتى باستاپقى جارنانى, ياعني, 11 796 تەڭگە سالۋى ءتيىس (2024 جىلى). جەتىم بالالاردان باستاپقى جارنا سوماسىن سالۋ تالاپ ەتىلمەيدى.
«AQYL» دەپوزيتىن جيناقتاۋشى اتا-انا ءۇشىن ماڭىزدى جادناما
«AQYL» دەپوزيتىن جيناقتاۋدا اتا-انا ەسكەرەر ماڭىزدى ماسەلە بار. ول جىل بويىنا سالىمشى ەڭ تومەنگى 94 368 تەڭگەنى جيناقتاماسا شوت اشىلعاندا بەرىلگەن مەملەكەتتىك كاپيتال بيۋدجەتكە قايتارىلادى. حالىقتىڭ الەۋمەتتىك وسال توپتارى ساناتىنداعى بالالار ءۇشىن بيىل ەڭ تومەنگى 47 184 تەڭگەنى جيناناقتاسا جەتكىلىكتى. سالىمشىلار بۇل سومانى جىل سوڭىنا دەيىن بولشەكتەپ نەمەسە جىلىنا ءبىر رەت قوسىپ سالۋىنا بولادى. ال جەتىم بالالار مەن اتا-اناسىنىڭ قامقورلىعىنسىز قالعان بالالار اشىلعان «AQYL» دەپوزيتىنە جىل سايىن مىندەتتى جارنالار سالۋعا مىندەتتەلمەيدى.
ال «AQYL» دەپوزيتىنە جىلدار بويى قارجى جيناعان بالا گرانت يەگەرى اتانسا نە بولماق دەگەن ساۋالعا قايتا ورالساق. وندا بالا ديپلوم العاننان كەيىن دەپوزيتتە جيناقتالعان قاراجاتتى بانكتىڭ كاپيتالداندىرىلعان سىياقىسىن, مەملەكەتتىك سىيلىقاقى مەن باستاپقى ءبىلىم بەرۋ كاپيتالىن اعا-باۋىرلارعا, اپا-سىڭلىلەرگە, تۋىستارعا, دوستارعا بەرۋىنە بولادى. سونداي-اق, ماگيستراتۋرا نە دوكتارانۋرا ءبىلىمى ءۇشىن قولدانۋعا رۇقسات بەرىلەدى. باستىسى جيناقتالعان قارجىنى تۇرعىن ءۇي جاعدايلارىن جاقسارتۋ ءۇشىن پايدالانۋعا بولادى.
