فوتو: dknews
وقۋدان وتكەن 34,4 مىڭ جۇمىسسىز ازاماتتىڭ 9,1 مىڭعا جۋىعى نەگىزىنەن اقتوبە, تۇركىستان وبلىستارى مەن شىمكەنت, الماتى قالالارىنىڭ جاستارى.
پلاتفورما ىسكە قوسىلعاننان باستاپ اۆتورلار ءارتۇرلى باعىتتار بويىنشا 1 000 كۋرس جاريالاعان, ونىڭ 319-ى تەگىن. سونداي-اق, ودان ءارى وقۋ ءۇشىن ءبىلىم بەرۋ الاڭدارىنا اۋىسۋ مۇمكىندىگىمەن Courstore, Fluent Education جانە ياندەكس قازاقستان سەرىكتەستەرىنىڭ كۋرستارى بار.
كۋرستاردىڭ ۇزاقتىعى 1-دەن 72 ساعاتقا دەيىن.
ءساۋىر ايىنداعى ەڭ كوپ سۇرانىسقا يە كۋرستار – «تۆوي كارەرنىي ستارت: كاك يسپولزوۆات «ەلەكتروننۋيۋ بيرجۋ ترۋدا», «تۋريزم تۋرالى تۇسىنىكتى تىلمەن», «ستراحوۆوي اگەنت», «Motion design» جانە «پروداۆەتس».
پلاتفورمادا قارجى جانە بۋحگالتەرلىك ەسەپ, اۋىل شارۋاشىلىعى جانە ت.ب. سالالارداعى ءتۇرلى ماماندىقتار بويىنشا تەگىن كۋرستار سانى ۇنەمى ارتىپ كەلەدى.
بۇدان بۇرىن حابارلاعانداي, پلاتفورما حالىقتىڭ ءبىلىم دەڭگەيى مەن كاسىبيلىگىن ارتتىرۋعا, مانساپتىق دامۋدى ىنتالاندىرۋعا جانە ء«ومىر بويى وقىتۋ» تۇجىرىمداماسىن ىلگەرىلەتۋگە باعىتتالعان. ول ماركەتپلەيس – قىزمەتتەر نارىعى قاعيداتى بويىنشا ونلاين كۋرستارعا قول جەتكىزۋدى ۇسىناتىن حالىقارالىق وقىتۋ الاڭدارىنا ۇقساس قۇرىلعان.
وقۋعا skills.enbek.kz سىلتەمەسى ارقىلى نەمەسە ەلەكتروندىق ەڭبەك بيرجاسىندا (enbek.kz) «ونلاين وقىتۋ» ءبولىمىن تاڭداۋ ارقىلى قول جەتكىزۋگە بولادى.
پلاتفورمادا ءبىلىم الۋشى وقىتۋدىڭ قولايلى قارقىنى مەن ءتىلىن, ماتەريالدى بەرۋدىڭ ىڭعايلى ءپرينتسيپىن دەربەس تاڭدايدى, ءبىلىم بەرۋ ۇدەرىسىندەگى ءوزىنىڭ ىلگەرىلەۋىن باقىلاي الادى.
ءبىلىم الۋشى ءۇشىن ارتىقشىلىقتار: كەڭەيتىلگەن كۋرستاردى ىزدەۋ, ساباقتىڭ تۇسىنىكتى قۇرىلىمى, وقۋ پروتسەسىن باقىلاۋ جانە كۋرس اۆتورلارىمەن جىلدام ءوزارا ارەكەتتەسۋ. پايدالانۋشىلار ءۇشىن جاساندى ينتەللەكت كومەگىمەن چات-بوت قول جەتىمدى, ول جىلدام ىزدەۋدى جانە قىزىعۋشىلىق تۋدىراتىن سۇراقتارعا جاۋاپ الۋدى قامتاماسىز ەتەدى.
وقۋ اياقتالعاننان كەيىن ءبىلىم الۋشى 70% شەكتى دەڭگەيمەن تەستىلەۋ تاپسىرۋعا ءتيىس. ونلاين كۋرستى ءساتتى اياقتاعان جاعدايدا داعدىلاردى يگەرۋ تۋرالى سەرتيفيكات بەرىلەدى. كۋرستى اياقتاۋدىڭ مىندەتتى شارتى – ءبىلىم الۋشى تاراپىنان كۋرستى باعالاۋ. سەرتيفيكاتتى جۇكتەۋ كەزىندە يگەرگەن داعدىلار بويىنشا Enbek.kz-تە بوس جۇمىس ورىندارىنىڭ ۇسىنىستارى قوسىلدى.
الىنعان سەرتيفيكات Enbek.kz-تە تىركەلگەن كەزدە ءبىلىم الۋشى جاساعان تۇيىندەمەدە اۆتوماتتى تۇردە كورسەتىلەدى. قىزمەتكەرلەردى ىزدەۋ كەزىندە الەۋەتتى جۇمىس بەرۋشى پلاتفورمادا ءساتتى وقۋدان كەيىن الىنعان سەرتيفيكاتتاردى كورە الادى.
اۆتورلار مەن ازىرلەۋشىلەرگە ارنالعان پلاتفورمادا ونلاين كۋرستاردى ورنالاستىرۋ تەگىن. كۋرستار مەملەكەتتىك, ورىس جانە اعىلشىن تىلدەرىندە ورنالاستىرىلۋى مۇمكىن, اقپارات بەرۋدىڭ ءارتۇرلى فورماتتارى: ءماتىن, پرەزەنتاتسيا, بەينە جانە اۋديو ماتەريالدار, ينفوگرافيكا جانە باسقا تۇرلەرى بولۋعا ءتيىس. پلاتفورما ەرەكشە قاجەتتىلىكتەرى بار ءبىلىم الۋشىلار ءۇشىن ينتەرفەيستى بەيىمدەۋ مۇمكىندىگىن بولجايدى.
كۋرس اۆتورلارى ءۇشىن ىڭعايلى ساباق قۇراستىرۋشى, جاريالانعان كۋرستاردىڭ ستاتيستيكاسى مەن تيىمدىلىگىن قاراۋعا قولجەتىمدى, سەرتيفيكاتتاردىڭ ءارتۇرلى ديزاينى كوزدەلگەن, سونداي-اق وقۋ قۇنىن الدىن الا ەسەپتەۋگە ارنالعان ونلاين-كالكۋلياتور بار.
2023 جىلدىڭ جەلتوقسان ايىنان باستاپ كۋرستاردى Enbek ءموبيلدى قوسىمشاسى ارقىلى وقۋعا بولادى, قوسىمشانى Google Play جانە App Store-دان جۇكتەۋگە بولاتىنىن ەستەرىڭىزگە سالامىز.
پلاتفورمادا تىركەلۋ جانە جۇمىس ىستەۋگە قاتىستى بارلىق سۇراقتار بويىنشا «ەردو» اق جاۋاپتى قىزمەتكەرلەرىمەن بايلانىسۋ ءۇشىن, تەلەفون نومىرلەرى: 8 (7172) 95 43 17 (ىشكى. 877, 888).
