فوتو: kaz.zakon.kz
اتالعان 4 ايدا كولىك سالاسىندا - 22,4%, ساۋدادا - 7%, اۋىل شارۋاشىلىعىندا - 3,9% جانە بايلانىس سالاسىندا - 2,6% دامۋ كورسەتكىشى تىركەلگەن. ال جالپى ىشكى ءونىم ءوسىمى 6%-دى قۇراعان. كولىك سالاسىنداعى وسىمگە تەمىر جول جانە قۇبىر كولىگىمەن جۇكتەردى تاسىمالداۋدىڭ ارتۋى نەگىز بولعان.
ساۋدادا كوتەرمە ساۋدا كورسەتكىشى 7,4%-عا, بولشەك ساۋدا كورسەتكىشى 6,1%-عا دەيىن وسكەن. وڭىرلەر بويىنشا جىكتەسەك, تۇركىستان وبلىسى – جەمىستەردى, كوكونىستەردى, فارماتسەۆتيكالىق تاۋارلاردى ساتاتىن كاسىپورىندار ەسەبىنەن 60,4%, اقمولا وبلىسى – استىقتى, تۇقىمداردى جانە مال ازىعىن ساتاتىن كاسىپورىنداردىڭ ارقاسىندا - 44%, شىمكەنت – ديزەل وتىنىن, فارماتسەۆتيكالىق تاۋارلاردى, قارا جانە ءتۇستى مەتالداردىڭ سىنىقتارى مەن قالدىقتاردى ساتاتىن كاسىپورىندار ەسەبىنەن 19,8%-عا جوعارى ءوسىمدى كورسەتكەن.
ونەركاسىپتە ءوندىرىس يندەكسى 6,4% جەتكەن. ءوسىم تاۋ-كەن سەكتورىندا – 7,1%, ونىڭ ىشىندە كومىر ءوندىرۋدى ۇلعايتۋ ەسەبىنەن -11,2% ءوسىم بايقالىپ وتىر. وڭدەۋ ونەركاسىبىندە كورسەتكىش - 7,2% قۇرايدى, ونىڭ ىشىندە تاماق ونىمدەرىن وڭدەۋ - 12%, تەمەكى ونىمدەرىن - 26,3%, حيميالىق ونىمدەردى ءوندىرۋ - 11,2% جانە ماشينا جاساۋ - 11,2% تىركەلگەن.
اۋىل شارۋاشىلىعى وڭ ديناميكانى كورسەتۋدە. جالپى ءونىم يندەكسى قاڭتار-ءساۋىر ايلارىندا 3,9%-دى قۇراعان.
