اكەمدى ساعىنا ەسكە الامىن

ۇلى وتان سوعىسىنداعى جەڭىستىڭ 70 جىلدىعىن تويلايتىن كۇن جاقىنداعان سايىن مەنىڭ دە جۇرەگىم ءلۇپ-ءلۇپ ەتەدى. سەبەبى, مەنىڭ جان اكەم وتان قورعاۋ جولىندا بولعان وسى قاندى مايداننىڭ بەل ورتاسىندا بولىپ, ۇلى جەڭىسكە ءوزىنىڭ ايتارلىقتاي ۇلەسىن قوسقان. سوندىقتان, حالقىنىڭ بوستاندىعى مەن باقىتى جولىندا كۇرەسكەن اياۋلى ادامنان تۋعانىمدى ماقتان تۇتامىن. مەنىڭ اكەم قابدوللا مەڭدەكين 1924 جىلى سەمەي وبلىسى اباي اۋدانى قۇندىزدى اۋىلىندا تۋعان ەدى. ول 1943 جىلى اسكەر قاتارىنا الىنعاننان كەيىن وزبەكستاننىڭ سامارقان وبلىسىنداعى اسكەري وقۋ ورتالىعىندا ارتيللەريست جانە بايلانىسشى ماماندىعىمەن قوسا كiشi كومانديرلەر كۋرسىن ءبىتىرىپ, ۇرىس دالاسىنا اتتانعان. سوعىستا كەڭەس وداعىنىڭ مارشالى ك.روكوسسوۆسكي قولباسشىلىق جاساعان ەكىنشى بەلورۋسسيا مايدانى اسكەرلەرى قۇرامىندا بولىپ, ۋكراينا, پولشا جانە گەرمانيا جەرلەرىن ازات ەتۋگە قاتىسقان. سوعىستاعى كورسەتكەن epلiگi ءۇشىن «قىزىل جۇلدىز» وردەنىمەن, «ەرلىگى ءۇشىن», «جاۋىنگەرلىك epلiگi ءۇشىن», «كەنيگسبەرگتى العانى ءۇشىن», «گەرمانيانى جەڭگەنى ءۇشىن» مەدالدارىمەن ماراپاتتالىپ, مايدان ساياسي باسقارماسىنىڭ باستىعى, گەنەرال-مايور ءسۋببوتيننىڭ قولىنان بىرنەشە العىس حات پەن ماقتاۋ قاعازدارىن العان. 1947 جىلدىڭ باسىندا ەلگە ورالىپ, 1948 جىلى انامىز ءباتيما كەلبەتوۆامەن وتباسىن قۇرعان. اكەم 1947-1951 جىلدارى اياكوز ەت كومبيناتى كادر ءبولىمىنىڭ باستىعى, 1951-1955 جىلدارى اياكوز اۋدانى «قاراقول»  سوۆحوزى جۇمىسشىلار كوميتەتىنىڭ توراعاسى, جۇزاعاش اۋىلدىق كەڭەسىنىڭ توراعاسى, «شولپان» سوۆحوزى پارتيا كوميتەتىنىڭ حاتشىسى, 1955-1961 جىلدارى اياكوز اۋداندىق پارتيا كوميتەتىنىڭ جانىنداعى «بiلiم» قوعامىنىڭ توراعاسى, اياكوز قالالىق تۇتىنۋشىلار قوعامى مەن كوممۋنالدىق شارۋاشىلىق مەكەمەسىنىڭ باستىعى, 1961-1970 جىلدارى تاڭسىق اۋىلدىق تۇتىنۋشىلار وداعىنىڭ باستىعى, «قاراقۇم» قامىس زاۋىتىنىڭ ديرەكتورى, «وۆتسەۆود» سوۆحوزى پارتيا كوميتەتىنىڭ حاتشىسى قىزمەتتەرىن اتكارعان. مەن بىلەتىندە اكەم ىسكە قابiلەتتi, ءپرينتسيپشىل كوممۋنيست-مايدانگەر ەدى. قاي سالادا ەڭبەك ەتسە دە ءمىنسىز, باتىل دا ادال قىزمەت اتقارىپ, حالقىنىڭ قۇرمەتىنە بولەنە بىلگەن ەكەن. سوعىس زاردابىن, قاتال مايدان جولدارىن باسىنان كەشكەننەن بولار, اياۋلى اكەمىز بار بولعانى 46 جىل ءومىر ءسۇرىپ, ومىردەن ءوتىپ كەتتى. بۇل كۇنگە اكەمىزدىڭ ارتىندا 9 بالامەن جاستاي قالعان انامىزدىڭ تاربيەسىن كورگەن بىزدەر جەتتىك. ءبارىمىز تاڭداعان ماماندىقتارىمىز بويىنشا جوعارى جانە ارناۋلى ورتا ءبىلىم الىپ, ومىردەن ءوز ورنىمىزدى تاپتىق. ءبارى جاقسى. تەك اكەمىزدىڭ وسى كۇنگە جەتە الماي, جاستاي كەتىپ قالعانى عانا قينايدى. سول سەبەپتى, ۇلى جەڭىس مەرەكەسى قارساڭىندا اكەمدى ساعىنىشپەن ەسكە الىپ وتىرمىن. تىلەۋعايشا مەڭدەكينا.