فوتو: arainfo.kz
بۇل باعدارلاما ارقىلى 2 مەن 17 جاس ارالىعىنداعى بالالار اتا-اناسىمەن نەمەسە جاقىن تۋىستارىمەن بىرگە ەل ىشىندە ساياحاتتاعان جاعدايدا ولاردىڭ بيلەت شىعىندارىن مەملەكەت وتەپ بەرەدى. باعدارلاماعا قاتىسۋدىڭ باستى شارتى تۋردى ليتسەنزياسى بار تۋروپەراتوردان ساتىپ الۋ.
باعدارلاما ىسكە قوسىلعالى بەرى 5 500-دەن استام بالا ەلىمىزدىڭ ءتۇرلى وڭىرلەرىنە تەگىن ساياحاتتادى. وتاندىق تۋروپەراتورلار جالپى سوماسى 1,2 ميلليارد تەڭگەدەن اساتىن تۋر ساتقان.
ەلىمىزدە وتباسىلىق ساياحات ءۇشىن ەڭ تانىمال باعىتتار — الاكول, ماڭعىستاۋ, كاسپي جاعالاۋى, الماتى جانە الماتى تاۋ كلاستەرى, تۇركىستان, استانا مەن ششۋچە-بۋراباي كۋرورتتىق ءوڭىرى.
ءار وڭىردە بالالار مەن اتا-انالارعا ارنالعان ءتۇرلى نىساندار مەن دەمالىس ورىندارى بار:
ماڭعىستاۋدا — Tetis Blue اكۆاپاركى جانە ماڭعىستاۋ وبلىستىق تاريحي-ولكەتانۋ مۇراجايى;
الماتىدا — كوكتوبە مەن «مەدەۋ» سپورتتىق-تۋريستىك ورتالىعى;
استانادا — «بايتەرەك» مونۋمەنتى جانە قر ۇلتتىق مۋزەيى;
بۋرابايدا — ابىلاي حان الاڭى مەن «وقجەتپەس» تابيعي نىسانى.
مۇنداي باعىتتار وتباسىلىق دەمالىستى مازمۇندى ەتۋگە, تابيعات اياسىنداعى دەمالىس پەن تانىمدىق ءتۋريزمدى ءتيىمدى قامتۋعا مۇمكىندىك بەرەدى.
ىشكى نارىقتا جۇمىس ىستەيتىن جانە ءتيىستى ليتسەنزياسى بار تۋروپەراتورلار باعدارلاماعا ەرىكتى تۇردە قاتىسا الادى.
