جۋرناليستەر ەڭبەگىنە – لايىقتى باعا

كەشە اقوردادا مەملەكەتتىك حاتشى گۇلشارا ابدىقا­لىقوۆانىڭ تورايىمدىعىمەن قازاقستان رەسپۋبليكاسى پرە­زيدەنتىنىڭ بۇقارالىق اقپارات قۇرالدارى سالاسىنداعى 2015 جىلعى سىيلىقتارىن بەرۋ, گرانتتارىن تاپسىرۋ جانە العىسىن جاريالاۋ جونىندەگى قوعامدىق كوميسسيانىڭ وتىرىسى ءوتتى. قولىنا قالام ۇستاعان, ءوز­دەرى­نىڭ وي قۋاتى مەن ءتىل شەبەر­لىگىن ومىرىنە سەرىك ەتكەن جۋرناليستەر قاۋىمى جىل سايىن ءبىر رەت اتالىپ وتەتىن كاسىبي مەرەكە – باق كۇنىن اسىعا كۇتەدى. وتانعا, ەلگە, تۋعان حالقىنا جاساعان ەڭبەكتەرى ەلەنىپ, ماراپات الىپ جاتسا, مارقايعان كوڭىلمەن بۇرىنعىدان دا قۇلشىنا ەڭبەكتەنەتىنى حاق. مەملەكەتتىك حاتشى گۇلشارا ابدىقالىقوۆا وتىرىس­تا سويلەگەن سوزىندە بۇقارالىق اقپارات قۇ­رال­دارىنىڭ قازاقستان مەم­لە­كەتتىلىگىن نىعايتۋداعى ماڭىزدى رولىنە توقتالىپ ءوتتى. باق وكىلدەرىن كەلە جاتقان كاسىبي مەرە­كەلەرى – بايلانىس جانە اقپارات قىزمەتكەرلەرى كۇنىمەن قۇتتىقتاپ, بۇقارالىق اقپارات قۇرالدارىنىڭ ءوز قىزمەتتەرى ارقىلى حالىقتى جۇمىلدىرىپ, ءپاتريوتيزمدى نىعايتۋ مەن قوعامدى ۇيىستىرا تۇسۋدەگى ءرولى ەرەكشە ەكەنىنە ءمان بەردى. ەلباسى جىل سايىن جۋر­ناليس­تەرمەن جۇزدەسىپ, باق قىزمە­تىنە ماڭىز بەرىپ وتىرادى, ەلى­مىزدە ارنايى ورتالىق – قازمە­ديا ورتالىعى پايدالانۋعا بەرىلدى, ال جۋرناليستەر بولسا, بيلىك پەن حالىق اراسىنداعى كوپىر ءتارىزدى ۇلكەن جۇمىستاردى اتقارۋدا, دەي كەلىپ: «ەلدە جۇرگىزىلىپ جاتقان قوعامدىق-ساياسي رە­فورمالار مەن مەملەكەت باسشىسى «قازاقستان-2050» ستراتەگياسىندا جانە «نۇرلى جول – بولاشاققا باستار جول» اتتى حالىققا جولداۋىندا ۇسىنعان اۋقىمدى ەكونوميكالىق جوسپارلاردى جۇزەگە اسىرۋ اياسىندا بۇل ايرىقشا ماڭىزدى», – دەپ اتاپ كورسەتتى. سونىمەن قاتار, مەملەكەتتىك حاتشى بۇگىندە ەلدىڭ الدىندا تۇرعان سايا­سي, ەكونوميكالىق جانە الەۋمەتتىك مىندەتتەردى تابىستى ورىنداۋ كوپ جاعدايدا قوعامنىڭ الەۋمەتتىك بەل­سەن­دىلىگىنە بايلانىستى ەكەنىنە, ال وعان ىقپال ەتۋدە وتاندىق باق-تىڭ ماڭىزدى ءرول اتقاراتىنىنا توقتالىپ ءوتتى. – مەملەكەت تالانتتى جۋرناليس­تەرگە جانە باتىل اقپاراتتىق جوبالاردى جۇزەگە اسىرۋ ىسىنە جان-جاقتى قولداۋ كورسەتەدى. وسىنداي قولداۋدىڭ ماڭىزدى ءبىر تەتىگى جىل سايىن قازاق­ستان پرەزيدەنتىنىڭ باق سالاسىنداعى سىي­لىقتارىن بەرۋ, گرانتتارىن تاپ­سىرۋ جانە العىسىن جاريالاۋ بولىپ تابىلادى, – دەگەن قوعامدىق كوميس­سيا ءتورايىمى بيىل كوميسسيانىڭ قاراۋىنا 81 ۇسىنىم بەرىلگەنىن, اتاپ ايتقاندا, ونىڭ 64-ءى جۋرناليستەردەن, 17-ءى شىعارماشىلىق ۇجىمداردان, 29 ۇسىنىمنىڭ باسپاسوزدەن, 44 ۇسىنىم ەلەكتروندى باق-تان, 8 ۇسىنىم بەلگىلى ءبىر باق اتىنان ۇسىنىلماعان جەكە ۇمىتكەرلەردەن كەلىپ تۇسكەنىن جەتكىزدى. قوعامدىق كوميسسيا وتىرىسى بارىسىندا جۋرناليستەردىڭ ما­تە­ريالدارىنىڭ دەڭگەيىنىڭ جوعارىلىعى, سونداي-اق, ءباسپاسوزدىڭ قازاقستان دامۋىنىڭ ماڭىزدى قوعامدىق-ساياسي جانە الەۋمەتتىك-ەكونوميكالىق اس­پەك­تى­لەرىن جاريالاپ, كورسەتۋدەگى ۇلەسى اتاپ ءوتىلدى. تالقىلاۋ قورىتىندىسى بويىنشا, باق سالاسىنداعى پرەزيدەنتتىك سىيلىقتار مەن گرانتتاردى تاعايىنداۋ ەرەجەسىنە سايكەس, قوعامدىق كوميسسيا اشىق داۋىس بەرۋ ارقىلى بۇقارالىق اقپارات قۇرالدارىنىڭ ەكى وكىلىنە سىيلىق بەرۋ, ەكەۋىنە گرانت تاپسىرۋ جانە بىرنەشە شىعارماشىلىق ۇجىمعا پرەزيدەنت العىسىن جاريالاۋ جونىندە مەملەكەت باسشىسىنا ۇسىنىم جاساۋعا شەشىم قابىلدادى. وتىرىسقا كوميسسيا مۇشەلەرى – رەسپۋبليكالىق بۇقارالىق اقپارات قۇرالدارىنىڭ, شىعارماشىلىق وداقتاردىڭ, جۋرناليستەر قوعامدىق بىرلەستىكتەرى مەن مۇددەلى مەم­لەكەتتىك ورگانداردىڭ وكىلدەرى قا­تىستى. انار تولەۋحانقىزى, «ەگەمەن قازاقستان».