فوتو: دەنساۋلىق ساقتاۋ مينيسترلىگى
وقيعا ورنىنا جەتكەن جەدەل مەديتسينالىق كومەك بريگاداسى ايەل ادامنىڭ قان قىسىمىنىڭ تىم جوعارى ەكەنىن انىقتاپ, جاعدايىنىڭ اۋىرلىعىن ەسكەرىپ, سانيتاريالىق اۆياتسيا ارقىلى شۇعىل تۇردە پاۆلودار قالاسىنداعى كارديوورتالىققا جەتكىزگەن.
دەنساۋلىق ساقتاۋ مينيسترلىگىنىڭ ءباسپاسوز قىزمەتىنىڭ حابارلاۋىنشا, ناۋقاسقا شۇعىل تۇردە ميدىڭ كومپيۋتەرلىك توموگرافياسى (كت) جاسالىپ, ءسۋباراحنويدالدى قان قۇيىلۋ جانە ماڭداي بولىگى ايماعىندا ۇلكەن ارالىق گەماتوما بارى انىقتالعان. نەيروحيرۋرگ كەڭەسىنەن كەيىن 3D رەكونسترۋكتسياسى بار انگيوگرافيا جاسالىپ, الدىڭعى بىرىكتىرۋشى ارتەريادا ەكى قوسىمشا ديۆەرتيكۋلى بار, كەڭ نەگىزدى, جارىلعان قاپشىق ءتارىزدى انەۆريزما تابىلعان. سونىمەن قاتار, ەكى ىشكى ۇيقى ارتەرياسىندا ءيىلىم (كينكينگ) بايقالعان. دەگەنمەن, الدىڭعى بىرىكتىرۋشى ارتەريا قالىپتى جۇمىس ىستەپ تۇرعان.
«ومىرلىك كورسەتىلىمدەرى بويىنشا رەنتگەنەندوۆاسكۋليارلىق وپەراتسيا جاسالدى – انەۆريزما ارنايى ميكروكاتۋشكالارمەن (ميكروسپيرالدارمەن) تولىق ەمبوليزاتسيالاندى. وپەراتسيا ءساتتى ءوتتى, انەۆريزمانىڭ بۇكىل قۋىسى سەنىمدى تۇردە جابىلدى. پاتسيەنتتىڭ جاعدايى اۋىر كۇيدە قالىپ, 9 كۇن بويى رەانيماتسيا بولىمشەسىندە قارقىندى ەم الدى. جاعدايى تۇراقتانعاننان كەيىن ول ءارى قاراي ەم قابىلداۋ ءۇشىن نەۆرولوگيا بولىمشەسىنە اۋىستىرىلىپ, كەيىن دەنساۋلىعى جاقسارعان كۇيدە ۇيىنە شىعارىلدى. وسىنداي پاتولوگيالار كەزىندە ءولىم دەڭگەيى, اسىرەسە اۋرۋدىڭ ءجىتى جانە ەرتە كەزەڭدەرىندە 50%-عا دەيىن جەتەدى. الايدا جەدەل جاردەم بريگاداسىنىڭ ۋاقتىلى ارەكەتى, سانيتاريالىق اۆياتسيامەن جەدەل جەتكىزۋ جانە كارديوورتالىق ماماندارىنىڭ كاسىبي جۇمىسى پاتسيەنتتىڭ ءومىرىن ساقتاپ قالۋعا مۇمكىندىك بەردى.پاتسيەنتكە كورسەتىلگەن بارلىق مەديتسينالىق كومەك الەۋمەتتىك مەديتسينالىق ساقتاندىرۋ جۇيەسىنىڭ شەڭبەرىندە تەگىن كورسەتىلدى», دەلىنگەن حابارلامادا.
