فوتو: اقوردا
جەڭىستىڭ قىزىل تۋى – 80 جىل بۇرىن قازاق باتىرى راقىمجان قوشقارباەۆ پەن مايدانگەر سەرىگى گريگوري بۋلاتوۆ بەرليندەگى رەيحستاگقا تىككەن قاسيەتتى تۋدىڭ كوشىرمەسى. بۇل تۋ – فاشيزمگە قارسى شايقاستاعى حالىقتىڭ تاباندىلىعى مەن ەرلىگىنىڭ سيمۆولى.
سۇراپىل سوعىس جىلدارىندا قازاقستاندىق جاۋىنگەرلەر مايداننىڭ الدىڭعى شەبىندە ەرلىكپەن شايقاستى. ولاردىڭ اراسىندا ەرەكشە ەرلىك كورسەتكەندەردىڭ ءبىرى – راقىمجان قوشقارباەۆ. 1945 جىلدىڭ 30 ساۋىرىندە ول بەرليندە رەيحستاگقا جەڭىس تۋىن العاشقىلاردىڭ ءبىرى بولىپ تىككەن.
راقىمجان قوشقارباەۆ «جاۋىنگەرلىك قىزىل تۋ» وردەنىمەن ماراپاتتالدى, ال 1999 جىلى 7 مامىردا وعان قازاقستان رەسپۋبليكاسىنىڭ جوعارى ناگراداسى «حالىق قاھارمانى» اتاعى بەرىلدى.
