قازىرگى ۋاقىتتا قازاقستان رەسپۋبليكاسىندا 2025-2030 جىلدارعا ارنالعان ينكليۋزيۆتى ساياسات تۇجىرىمداماسى, «امانات» پارتياسىنىڭ 2023-2027 جىلدارعا ارنالعان جول كارتاسى جانە مەملەكەت باسشىسىنىڭ تاپسىرماسى بويىنشا ازىرلەنگەن «حالىقپەن بىرگە» جوباسى ىسكە اسىرىلۋدا.
«Amanat» پارتياسىنىڭ جول كارتاسىندا 2023-2027 جىلدار ارالىعىندا ينتەراكتيۆتى قولجەتىمدىلىك كارتاسىنا (بۇدان ءارى – كارتا) ەنگىزىلگەن 42 مىڭنان استام نىساندى بەيىمدەۋ بويىنشا جۇمىس كوزدەلگەن. جىل سايىن وسىنداي وبەكتىلەردىڭ 20%-ى بەيىمدەلۋى ءتيىس. وسىلايشا, 2023 جىلى – كارتاداعى وبەكتىلەردىڭ 20%, 2024 جىلى – 40%, 2025 جىلى – 60%, 2026 جىلى – 80%, 2027 جىلى – 100%-ى بەيىمدەلەدى. قازىرگى ۋاقىتتا ەل بويىنشا 22 980 نىسان تولىقتاي بەيىمدەلگەن.
2024 جىلدىڭ سوڭىنا دەيىن الماتى وبلىسى بويىنشا 330 نىساندى بەيىمدەۋ جوسپارلانعان, وڭىردە 775 نىسان بەيىمدەلىپ, جوسپار ارتىعىمەن ورىندالدى.
ماسەلەن, وڭىردەگى 775 نىسان مۇگەدەكتىگى بار ادامداردىڭ بارلىق ساناتتارى ءۇشىن قولجەتىمدى. ولاردىڭ ىشىندە:
- دەنساۋلىق ساقتاۋ وبەكتىلەرى – 142;
- ءبىلىم بەرۋ نىساندارى – 413;
- مادەنيەتنىساندارى– 106;
- مەملەكەتتىك جانە كۆازيمەملەكەتتىك ۇيىمدار – 103;
- سپورت نىساندارى – 10;
- الەۋمەتتىك قورعاۋ وبەكتىلەرى – 1.
«جالپى قالا بويىنشا مۇگەدەكتىگى بار ادامدار ءۇشىن جاعداي جاقسارىپ, جايلى ورتا قالىپتاپسىپ كەلەدى. وبەكتىلەردىڭ يەلەرى ءوز نىساندارىن قۇرىلىس نورمالارىنا سايكەس كەلتىرۋ ءۇشىن جۇمىستار جۇرگىزۋدە. كوپتەگەن كاسىپكەرلەر مەن مەملەكەتتىك ورگاندار شاعىمدار مەن ۇسىنىستاردى ەسكەرە وتىرىپ, كىرۋ توپتارىن قالىپقا كەلتىرىپ جاتىر. قوناەۆ قالاسىنىڭ 1 شاعىناۋدانى 28ا عيماراتىندا ورنالاسقان قالالىق كىتاپحاناسىنا بارعانىمدا, مەكەمەدە جاسالعان قولجەتىمدىلىكتى كورىپ, ەرەكشە قۋاندىم», – دەپ ءبولىستى قوناەۆ قالاسىنىڭ تۇرعىنى ءبىرىنشى توپت مۇگەدەكتىگى بار قايرات ءازىرباي.
بۇدان باسقا, مەملەكەتتىك باقىلاۋ شەڭبەرىندە حالىقتى الەۋمەتتىك قورعاۋ سالاسىنداعى رەتتەۋ جانە باقىلاۋ كوميتەتىنىڭ الماتى وبلىسى بويىنشا دەپارتامەنتى 2025 جىلدىڭ باسىنان باستاپ پروفيلاكتيكالىق باقىلاۋ شەڭبەرىندە 4 تەكسەرۋ جۇرگىزدى.
تەكسەرۋ قورىتىندىسى بويىنشا انىقتالعان بۇزۋشىلىقتاردى جويۋ تۋرالى 4 نۇسقاما بەرىلدى.
وبەكتىلەردىڭ مەنشىك يەلەرىنە پروفيلاكتيكالىق باقىلاۋ جۇرگىزۋ كەزىندە بۇزۋشىلىقتار العاش رەت انىقتالعان كەزدە ولاردى اكىمشىلىك جاۋاپكەرشىلىككە تارتپاي, ولاردى جويۋ تۋرالى نۇسقامالار عانا ەنگىزىلەتىنىن اتاپ ءوتۋ قاجەت. نۇسقاما بەلگىلەنگەن مەرزىمدە ورىندالماعان جاعدايدا ايىپپۇل سالىناتىن بولادى.
