فوتو: اشىق دەرەككوز
قالا اكىمدىگىنىڭ حابارلاۋىنشا, 7 مامىر كۇنى تاڭعى ساعات 6:30-دان 8:00-گە دەيىن ا-334 كوشەسى – اقجول داڭعىلى – ر.قوشقارباەۆ داڭعىلى – امانجولوۆ كوشەسى باعىتىندا, سونداي-اق ر.قوشقارباەۆ داڭعىلىنىڭ ج.ناجىمەدەنوۆ كوشەسى ارقىلى جەكە قۇرام تاسىمالدانادى.
ساعات 5:00-دەن 14:00-گە دەيىن ق.قۋانىشباەۆ اتىنداعى قازاق مۋزىكالىق-دراما تەاترىنىڭ الدىنداعى تۇراقتاردا, ق.قۋانىشباەۆ كوشەسىنىڭ ا.بايتۇرسىن ۇلى كوشەسىنەن ج.ناجىمەدەنوۆ كوشەسىنە دەيىنگى بولىگىندە جانە نۇرماعانبەتوۆ كوشەسىنىڭ وڭ جاعىندا ورنالاسقان اۆتوبۋس تۇراقتارىندا جەكە قۇرامدى تاسىمالداۋ ءۇشىن كولىك قوزعالىسىنا شەكتەۋ قويىلادى.
ساعات 5:00-دەن 13:00-گە دەيىن پانفيلوۆ كوشەسىنىڭ تاۋەلسىزدىك داڭعىلىنان نۇرماعانبەتوۆ كوشەسىنە دەيىنگى بولىگى جانە نۇرماعانبەتوۆ كوشەسىنىڭ پانفيلوۆ كوشەسىنەن رايىمبەك باتىر كوشەسىنە دەيىنگى ارالىعى سالتاناتتى شەرۋدەن كەيىن اۋىر جۇك كولىكتەرىن تيەۋگە ارنالعان ارنايى تۇراق رەتىندە پايدالانىلادى.
سونىمەن قاتار, وسى ارالىقتا تاۋەلسىزدىك داڭعىلىنىڭ مومىش ۇلى داڭعىلىنان پانفيلوۆ كوشەسىنە دەيىنگى بولىگى, اقىرتاس جانە قالداياقوۆ كوشەلەرى, سونداي-اق قوشقارباەۆ داڭعىلى جابىلادى. بۇل كوشەلەردە اسكەري تەحنيكا ۋاقىتشا ورنالاستىرىلادى.
ساعات 7:00-دەن 14:00-گە دەيىن ب.مومىش ۇلى داڭعىلى, 1 مەكەنجايىندا ورنالاسقان «Astana Music Hall» اۆتوتۇراعىنىڭ (قۇمىرا) اۋماعىندا دا قوزعالىسقا ۋاقىتشا شەكتەۋلەر ەنگىزىلەدى.
كۇننىڭ ەكىنشى جارتىسىندا, ساعات 12:30-دان 14:00-گە دەيىن اسكەري كولوننا پانفيلوۆ كوشەسى — نۇرماعانبەتوۆ كوشەسى — قوشقارباەۆ داڭعىلى — اقجول داڭعىلى — ا-334 كوشەسى ارقىلى باستاپقى ورنالاسۋ پۋنكتىنە قايتا ورالادى.
شەرۋ وتەتىن اۋماقتاردا جاياۋ جۇرگىنشىلەر قوزعالىسىنا دا شەكتەۋلەر ەنگىزىلۋى مۇمكىن. كەيبىر جاياۋ جۇرگىنشىلەر وتكەلدەرى ۋاقىتشا جابىلىپ, بالاما باعىتتارعا باعىتتالۋى مۇمكىن. قالا تۇرعىندارى مەن قوناقتارىنا جول بويىنداعى بەلگىلەر مەن ۋاقىتشا نۇسقاۋلارعا نازار اۋدارۋ ۇسىنىلادى.
اسكەري تەحنيكانىڭ قاۋىپسىز ءارى كەدەرگىسىز قوزعالۋى ءۇشىن شەرۋ وتەتىن ۋچاسكەلەردە كەيبىر باعدارشامداردىڭ كونسولدىك بولىكتەرى ۋاقىتشا بۇرىلاتىن بولادى.
بارلىق قوزعالىس شەكتەۋلەرى ءىس-شارالار اياقتالعاننان كەيىن الىنىپ تاستالادى. قۇقىق قورعاۋ ورگاندارى قالا تۇرعىندارى مەن قوناقتارىنان قاۋىپسىزدىك تالاپتارىن ورىنداۋدى سۇرايدى.
سونىمەن قاتار, 7 مامىر كۇنى تومەندەگى قوعامدىق كولىك مارشرۋتتارىنىڭ قوزعالىس سىزباسى ۋاقىتشا وزگەرەدى: № 3, 4, 4ا, 14, 15, 15ا, 19, 21, 29, 29ا, 30, 32, 40, 43, 47, 50, 51, 55ا, 55ب, 56, 57, 58, 61, 62, 66, 84, 121, 502, 504.
