دەنساۋلىق ساقتاۋ ۆيتسە-ءمينيسترى تيمۋر سۇلتانعازيەۆتىڭ ايتۋىنشا مەموراندۋمنىڭ ماقساتى تاراپتار اراسىنداعى ىنتىماقتاستىقتى, ونىڭ ىشىندە يننوۆاتسيالاردى دامىتۋ, دەنساۋلىق ساقتاۋ جۇيەسىن نىعايتۋ, مەملەكەتتىك باستامالاردى قولداۋ سياقتى سالالارداعى ىنتىماقتاستىقتى تەرەڭدەتۋ. كەلىسىم ەكى تاراپتىڭ وسى سالالاردا جان-جاقتى قولداۋ كورسەتۋ نيەتىن كورسەتەدى.
وسى ىنتىماقتاستىق اياسىندا قازاقستاندا ءوندىرىستى دامىتۋ, وزىق مەديتسينالىق تەحنولوگيالاردى جەتكىزۋ, زاماناۋي دياگنوستيكالىق باعدارلامالاردى جەتىلدىرۋ, سونداي-اق عىلىمي زەرتتەۋلەر بويىنشا جوبالاردى ىسكە اسىرۋدى قوسا العاندا, ايتارلىقتاي ناتيجەلەرگە قول جەتكىزىلدى.
ايتا كەتەرلىك جايت, كومپانيانىڭ باستاپقى دارىلەرىنىڭ ءبىرىنشى پارتياسىن كەلىسىم-شارت بويىنشا ءوندىرۋدى باستاۋ بيىلعى مامىر ايىندا جوسپارلانعان.
جوعارىداعى مامىلەگە وراي, «استرازەنەكا» قازاقستان ۇكىمەتىمەن بايلانىس جانە سىرتقى كوممۋنيكاتسيالار جونىندەگى ديرەكتورى ارسەن ناسىرحانوۆ:
«2022 جىلدىڭ باسىنان بەرى «استرازەنەكا» قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋعا 3,5 ميلليارد تەڭگەدەن استام ينۆەستيتسيا سالدى. بۇل ينۆەستيتسيالار دەنساۋلىق ساقتاۋ جۇيەسىن نىعايتۋعا جانە وزىق مەديتسينالىق شەشىمدەرگە قولجەتىمدىلىكتى قامتاماسىز ەتۋگە كومەكتەسەدى», دەدى.
ەكى تاراپ تا بۇل كەلىسىم ىنتىماقتاستىقتى تەرەڭدەتۋدە, ەلدەگى دەنساۋلىق ساقتاۋ جۇيەسىن نىعايتۋعا جول اشاتىنىن, سونداي-اق قازاقستان مەن ۇلىبريتانيا اراسىنداعى تابىستى ىنتىماقتاستىقتىڭ كورسەتكىشى ەكەنىن اتاپ ءوتتى.
