الداعى ۋاقىتتا جالپى كولەمى 64 مىڭ گەكتار جەردى قۇرايتىن جاڭا تالىمباقتار سالۋ جوسپارلانۋدا. بۇگىنگى كۇننىڭ ماڭىزدى جاڭالىعى – جاستار رەسۋرستىق ورتالىعىنىڭ جاڭا عيماراتىنىڭ اشىلۋى بولدى. بۇل ورتالىق ايماق جاستارىنىڭ الەۋمەتتىك جانە ەكولوگيالىق باستامالارىن جۇزەگە اسىرۋ الاڭىنا اينالماق. اشىلعان ساتتەن باستاپ ورتالىق ەكسكۋرسيالار مەن تانىستىرىلىمدارعا ەسىگىن اشىپ, جاڭا جوبالاردىڭ ىسكە قوسىلۋ ورنىنا اينالدى.
ءىس-شارانىڭ قۇرمەتتى قوناعى «قازاقستان حالقىنا» قوعامدىق قورىنىڭ ءتورايىمى ءلاززات شىڭعىسباەۆا ءوز سوزىندە وڭىردە جالپى كولەمى 10 ميلليارد تەڭگەدەن استام قاراجات بولاتىن بىرنەشە جوبا جۇزەگە اسىرعانىن جەتكىزدى. 2025 جىلى اۋىل جاستارىن قولداۋعا باعىتتالعان جاڭا باستامالار ىسكە قوسىلماق. قوردىڭ قىزمەتى اياسىندا 104 جوبا جۇزەگە اسىرىلۋدا, ونىڭ 80 پايىزى جاستارعا ارنالادى.
اقمولا وبلىسىندا ەكولوگيالىق قوزعالىس جاڭا دەڭگەيگە كوتەرىلىپ كەلەدى. بۇل جاستاردىڭ بەلسەندى قاتىسۋىنىڭ, زاماناۋي تەحنولوگيالاردى پايدالانۋدىڭ, سونداي-اق مەملەكەت پەن قوعامدىق ۇيىمداردىڭ قولداۋىنىڭ ناتيجەسى.
كوكشەتاۋ.
