قازاق-تۇرىك تەلەحيكاياسى

قازاقستان مەن تۇركيا مەملەكەتتەرى  اراسىندا ورتاق تەلەحيكايا ءتۇسىرۋ تۋرالى كەلىسىمگە قول جەتكىزىلدى. تۇرىك جاعى وعان قولداۋ ءبىل­دىرىپ, جان-جاقتى كومەك كور­سەتۋگە ءازىر ەكەن­دىكتەرىن ءمالىم­دەدى. ول تۋرالى جاقىندا قا­­زاق­ستان رەسپۋبليكاسىنىڭ ءتۇر­­ىك رەس­­پۋبليكاسىنداعى توتەن­شە جانە وكى­لەتتى ەلشىسى جان­سەيىت تۇيمەباەۆتىڭ تۇركيا­نىڭ مەملەكەتتىك TRT تەلە­­را­ديوكورپوراتسياسىنىڭ باس­شىلىعىمەن بولعان كەزدەسۋى بارىسىندا بەلگىلى بولدى. سونىمەن قاتار, مۇنان بىلايعى ۋاقىتتا قازاقستاندىق تەلەونىمدەر ءتۇر­كيادا كورسەتىلەتىن بولىپ شەشىلدى. ونىڭ ىشىندە, وتاندىق تانىمال «سىرعالىم», «اكە سەرتى», «ۇلجان» جانە «اعايىندىلار» تۋىندىلارىن تۇرىك تىلىنە دۋبلياج جاساۋعا وسى ەلدەگى قازاقستان ەلشىلىگى كومەك كورسەتكەلى وتىر. «ەلدەر مەن قۇرلىقتاردى بايلانىس­تىرۋشى ۇلكەن قۇرال – تەلەۆيزيا بولىپ سانالادى. تۇركيانىڭ ەڭ ءىرى مەملەكەتتىك تەلەارناسى TRT, ونىڭ ىشىندە 8 مەملەكەتكە حابار تاراتاتىن, ازەربايجان, قىرعىز, وزبەكستان, قازاقستان سەكىلدى باۋىرلاس ەل­دەردىڭ ۇلتتىق ونەرىن, ءداستۇرىن, دەرەكتى فيلمدەرى مەن مۋزىكالىق باعدارلامالارىن كورەرمەنگە تۇرىك تىلىندە ۇسىناتىن TRT-AVAZ (اۋەز) تەلەارناسىمەن ءبىزدىڭ بايلانىسىمىز وتە تىعىز. سوڭعى جىلدارى قازاقستاندا تۇسىرىلگەن فيلمدەردى, تەلەحيكايا­لاردى جانە بالالارعا ارنالعان تەلەونىمدەردى تۇركيا كورەرمەندەرىنە ۇسىنۋ ماسە­لەسى وڭ شەشىمىن تاۋىپ كەلە­دى», – دەدى ج.تۇيمەباەۆ. وسىعان دەيىن دە تۇركيانىڭ باستى تەلەارنالارىندا «بالالىق شاعىمنىڭ اسپانى», «جاۋجۇرەك مىڭ بالا» سياقتى تۋىندىلار كورسەتىلىپ, تۇرىك كورەرمەندەرىنىڭ كوڭىلىنەن شىققانى بەلگىلى. قازىرگى تاڭدا تۇركيانىڭ ايگىلى TRT-AVAZ قازاقتىڭ ۇلتتىق سپورت تۇرلەرىن, ونىڭ ىشىندە, ءاسى­رەسە, كوكپاردى تۇركىتىلدەس باۋىر­لارىمىزدىڭ اراسىندا كەڭىنەن ناسيحاتتاۋدى قولعا العان. ەستەرىڭىزگە سالا كەتەيىك, 2009 جىلى العاش رەت حابار تاراتا باس­تاعان TRT-AVAZ تەلەارناسى 2012 جىلدان بەرى قازاق تىلىندە دە حابار تاراتا باستادى. ول ءۇشىن ارنايى قازاق رەداكتسياسى قۇرىلدى. ول كۇن سايىن كورسەتىلەتىن جاڭالىقتار توپتاماسىن ازىرلەيدى, وعان «قا­زاق­ستان» ۇلتتىق ارناسىنىڭ باسشىلىعى دا اتسالىسۋدا. راۋان ەسقالي.