وسىلايشا بەس بىردەي سپورتشى باسپانالى بولىپ, وليمپيادانىڭ كۇمىس جۇلدەگەرى ناريمان قۇربانوۆ ەكى بولمەلى, قولا جۇلدەگەرلەر – نازىم قىزايباي مەن يسلام ساتباەۆ ءبىر بولمەلى پاتەر يەگەرلەرى اتاندى.
ال قولا مەدال يەگەرلەرى – دزيۋدوشى گۋسمان قىرعىزباەۆ پەن پنەۆماتيكالىق مىلتىقتىڭ مەرگەنى الەكساندرا لە جاتتىعۋ جيىندارى مەن حالىقارالىق جارىستاردان ورالعان سوڭ پاتەرلەرىن كىلتتەرىن الادى.
«سىزدەردىڭ جەڭىستەرىڭىز – كوپ جىلعى قاجىرلى ەڭبەكتىڭ ناتيجەسى ءارى سپورتشىلاردىڭ جاڭا بۋىنى ءۇشىن لايىقتى ۇلگى. الماتى سىزدەردىڭ جەتىستىكتەرىڭىزدى جوعارى باعالايدى جانە سىزدەردى جاڭا جەتىستىكتەرگە جەتۋ جولىندا ۇنەمى قولدايتىن بولادى», دەدى بەيبىت شاحانوۆ.
ءوز كەزەگىندە سپورتشىلارىمىز دا قۋانىشتارىن جاسىرماي, العىستارىن ءبىلدىردى.
ورايى كەلىپ تۇرعاندا, 2024 جىلدىڭ 11 تامىزىندا پاريجدە XXXIII جازعى وليمپيادا ويىندارى ءوتىپ, الماتىلىق سپورتشىلار جەڭىستى ورىنداردان تابىلىپ, حالىقارالىق ارەنادا ەلىمىزدىڭ بەدەلىن كوتەرگەنىن ەسكە سالا كەتكەن ءجون.
وسىعان وراي 20 تامىزدا الماتى قالاسىنىڭ اكىمدىگىندە وليمپيادا جۇلدەگەرلەرىمەن سالتاناتتى كەزدەسۋ وتكەن ەدى. كەزدەسۋ بارىسىندا سپورتشىلارعا اقشالاي سەرتيفيكاتتار, اۆتوكولىك كىلتتەرى, سونداي-اق تۇرعىن ءۇي الۋعا سەرتيفيكاتتار تابىستالعان بولاتىن.
سپورتشىلارعا بۇيىرعان پاتەرلەرگە كەلەتىن بولساق, جۇلدەگەرلەرگە بەرىلگەن سەرتيفيكات جۇلدەلى سپورتشىلاردى پاتەرلەرمەن قامتاماسىز ەتۋدىڭ باستاپقى شارتى بولاتىن. سەرتيفيكاتتار تابىستالعاننان كەيىن تۇرعىن ءۇي ساتىپ الۋ ءراسىمى ىسكە قوسىلدى. بۇل پروتسەسس جەكە بيۋدجەتتى قالىپتاستىرىپ, كونكۋرس جاريالاۋدان باستاپ شارتتار جاساسۋعا دەيىنگى بارلىق قاجەتتى مەملەكەتتىك ساتىپ الۋ راسىمدەرىن وتكىزۋدى قامتيدى. بۇل پروتسەدۋرالار زاڭنامامەن قاتاڭ رەتتەلەدى جانە بەلگىلى ءبىر ۋاقىتتى قاجەت ەتەدى.
سونىمەن 2025 جىلدىڭ 9 قاڭتارىندا بارلىق زاڭدى جانە ساتىپ الۋ پروتسەدۋرالارى اياقتالدى. سپورتشىلاردىڭ جايلى ءومىر ءسۇرۋ جاعدايلارىن قامتاماسىز ەتۋ ءۇشىن پاتەرلەردە ارلەۋ جۇمىستارى جۇرگىزىلدى.
سپورت باسقارماسىنىڭ قىزمەتكەرلەرى وسى ۋاقىت ىشىندە ءار جۇلدەگەرمەن بايلانىستا بولدى جانە كىلتتەردى تاپسىرۋ كۇنى ارقايسىسىمەن كەلىسىلدى.
