اشىق ەسىك كۇنى – الەمدىك دەڭگەيدەگى ۋنيۆەرسيتەتتىڭ قازاقستاندا رەسمي تۇردە قىزمەتىن باستاعانىن بىلدىرەتىن ماڭىزدى وقيعا. قاتىسۋشىلار ۋنيۆەرسيتەتتىڭ وقۋ ۇدەرىسى, قابىلداۋ تالاپتارى, ءبىلىم بەرۋ باعدارلامالارى جانە كاسىبي مۇمكىندىكتەر تۋرالى جان-جاقتى اقپارات الدى.
«Cardiff University Kazakhstan فيليالىنىڭ اشىلۋى – قازاقستان جاستارىنا ۇلىبريتانيا ساپاسىنداعى ءبىلىمدى ءوز ەلىندە الۋ مۇمكىندىگىن بەرەدى. بۇل – ەلىمىزدىڭ جوعارى ءبىلىم جۇيەسىنىڭ ينتەرناتسيونالدانۋ جولىنداعى ماڭىزدى قادامى», دەدى قر عىلىم جانە جوعارى ءبىلىم ءمينيسترى ساياسات نۇربەك.
Cardiff University – الەم مويىنداعان جوعارى وقۋ ورنى:
-
الەمدىك QS رەيتينگىندە 186-ورىندا;
-
«بيزنەس جانە مەنەدجمەنت» باعىتى بويىنشا ۇلىبريتانيادا 1-ورىندا;
-
ءبىلىم بەرۋ, ينجەنەريا جانە گەولوگيا سالالارى بويىنشا الەمنىڭ ۇزدىك 150 ۋنيۆەرسيتەتىنىڭ قاتارىنا كىرەدى;
-
ۇلىبريتانياداعى تۇلەكتەردى جۇمىسپەن قامتۋ بويىنشا 12-ورىندا تۇر.
استاناداعى فيليالدىڭ ارتىقشىلىقتارى:
-
بارلىق وقۋ پروتسەسى اعىلشىن تىلىندە وتەدى;
-
دارىستەردى ۇلىبريتانيادان كەلگەن پروفەسسورلار جۇرگىزەدى;
-
تۇلەكتەرگە Cardiff University ديپلومى تابىستالادى, ول – حالىقارالىق دەڭگەيدە مويىندالعان جانە اتالعان ۋنيۆەرسيتەت ۇلىبريتانيانىڭ ەڭ بەدەلدى وقۋ ورىندارى كىرەتىن راسسەل توبىنىڭ مۇشەسى.
مەملەكەت باسشىسى قاسىم-جومارت توقاەۆ جوعارى ءبىلىم بەرۋ سالاسىنا ايرىقشا نازار اۋدارادى. ءبىلىم بەرۋ جۇيەسىن جەتىلدىرۋگە باعىتتالعان بارلىق باستامالار پرەزيدەنتتىڭ ستراتەگيالىق ۇستانىمىنا ساي جۇرگىزىلىپ, تىكەلەي باقىلاۋىندا.
