الايدا شەنەۋنىكتەردىڭ ەڭبەك تابەلىندە جۇمىستا بولعان دەپ كورسەتىلىپ, جالاقى العان.
ەڭبەك تابەلىن جالعان اقپاراتمەن تولتىرعان مەملەكەتتىك قىزمەتشىلەردىڭ ماسەلەسى ادەپ كەڭەسىنىڭ كەزەكتى وتىرىسىندا قارالدى.
جۇمىس ۋاقىتىندا ەل ىشىندە بولماعان شەنەۋنىكتەردىڭ ءبىرى - ەكىباستۇز قالالىق تۇرعىن ءۇي ينسپەكتسياسى باسشىسىنىڭ ورىنباسارى. ول 2024 جىلدىڭ قاراشا ايىندا رەسەي فەدەراتسياسى باعىتىندا شەكارانى كەسىپ وتكەن. جۇمىستان وتباسى جاعدايىما بايلانىستى دەپ سۇرانعان. بىراق ەڭبەك تابەلى باسقاشا تولتىرىلىپ, ەل ىشىندە بولماعان كۇندەرى ءۇشىن دە ەڭبەكاقى جازىلعان.
ال وتكەن جىلدىڭ جەلتوقسان ايىندا جەلەزين اۋدانى اقتاۋ اۋىلدىق وكرۋگى اپپاراتىنىڭ باس مامانى دا جۇمىس ۋاقىتىندا مەملەكەتتىك شەكارادان شىققان. ول باسشىسىنان دەنساۋلىعىنا بايلانىستى اۋدان ورتالىعىنا بارامىن دەپ سۇرانعان ەكەن. بۇل جاعدايدا دا قىزمەتكەردىڭ جۇمىستا بولعاندىعى كورسەتىلگەن.
ادەپ جونىندەگى كەڭەس بارىسىندا مەكەمە باسشىلارى باسشىلارى قولاستىنداعى قىزمەتكەرلەردىڭ ءجونسىز قىلىعى ءۇشىن كەشىرىم سۇراپ, باقىلاۋ كەزىندە جىبەرگەن كەمشىلىكتەرىن مويىندادى. كەڭەس مۇشەلەرى ەكىباستۇز قالاسىنىڭ اكىمىنە جانە جەلەزين اۋدانىنىڭ اكىمىنە شەنەۋنىكتەرگە قىزمەتكە تولىق سايكەس ەمەستىگى تۋرالى ەسكەرتۋ بەرۋ كەرەكتىگىن ۇسىندى.
پاۆلودار وبلىسى
