توتەنشە جاعداي مينيسترلىگىنىڭ حابارلاۋىنشا, 30 ءساۋىر كۇنى كەشكە تالعار اۋدانىندا ەكى بالا جەكە تۇرعىن ءۇيدىڭ الدىندا كوشەدە ويناپ ءجۇرىپ, جوعالىپ كەتكەن. اتا-انالار بالالارىن وزدىگىنەن تابا الماعاندىقتان, قۇتقارۋشىلاردىڭ كومەگىنە جۇگىنگەن.
تاۋلىكتىڭ قاراڭعى ۋاقىتىنا قاراماستان ءتۇنى بويى جالعاستىرىلعان ىزدەۋ جۇمىستارىنا 2 كينولوگيالىق ەسەپتوپ پەن ۇشقىشسىز ۇشۋ اپپاراتى تارتىلدى. بۇعان قوسا, ىزدەۋگە بالالاردىڭ جاقىندارى, جەرگىلىكتى تۇرعىندار مەن پوليتسيا وكىلدەرى قاتىستى.
- بىرلەسكەن جۇمىس ناتيجەسىندە 2020 جىلى تۋعان ۇل بالا ۇيدەن 3 كم قاشىقتىقتا تاۋلى ايماقتان تۇندە تابىلدى. ال 2015 جىلى تۋعان اپكەسى قوتىر دەگەن تاۋلى ايماقتان 10 كم جەردەن تاڭەرتەڭ تابىلدى. بالالار دارىگەرلەردىڭ قاراۋىنان كەيىن اتا-انالارىنا تابىستالدى, - دەلىنگەن حابارلامادا.
