«بيىل شەگىرتكە زيانكەستەرى 2,1 ملن گەكتار القاپقا تارالادى دەپ بولجانۋدا. بۇل وتكەن جىلمەن سالىستىرعاندا 1 ملن گەكتارعا از. حيميالىق وڭدەۋلەرگە 443 بۇرىككىش تەحنيكا مەن 46 درون تارتۋ جوسپارلانىپ وتىر», – دەلىنگەن مينيسترلىك حابارلاماسىندا.
شەگىرتكەلەردىڭ تارالۋىنا جول بەرمەۋ ماقساتىندا وڭىرلەردە فيتوسانيتارلىق شارالار بەلسەندى جۇرگىزىلىپ جاتىر. قازىرگى تاڭدا 907 مىڭ گەكتارعا جۋىق اۋماق زەرتتەلگەن, ونىڭ ىشىندە 7 درون پايدالانىلعان. زيانكەستەر انىقتالعان اۋماق 456 مىڭ گەكتاردى قۇرايدى, ونىڭ 354 مىڭ گەكتارى ەكونوميكالىق زياندىلىق شەگىنەن اسىپ وتىر.
بۇگىندە 348 مىڭ گەكتار جەر حيميالىق جولمەن وڭدەلىپ ۇلگەردى. اتاپ ايتقاندا, جامبىل وبلىسىندا – 14 مىڭ گا, تۇركىستان وبلىسىندا – 335 مىڭ گا جەرگە شەگىرتكەگە قارسى وڭدەۋ جۇرگىزىلگەن. اۋىل شارۋاشىلىعى مينيسترلىگى شەگىرتكە ماسەلەسى تۇراقتى باقىلاۋدا ەكەنىن جانە زيانكەستەردىڭ تارالۋىنا جول بەرىلمەيتىنىن اتاپ ءوتتى.
