«جۇمىسشى ماماندىقتار جىلى» اياسىندا ەڭبەك ادامىنا دەگەن جان-جاقتى قولداۋ ارتىپ, ولاردىڭ قۇقىقتارى مەن مۇددەلەرىن قورعاۋعا باسا نازار اۋدارىلۋدا. بۇل باستاما – ەڭبەك ادامىنا دەگەن تەرەڭ قۇرمەتتىڭ ايقىن بەلگىسى ءارى ولاردىڭ قوعامداعى مارتەبەسىن كوتەرۋگە باعىتتالعان ماڭىزدى قادام.
وسى ورايدا ەڭبەكشىقازاق اۋدانىندا جاستار رەسۋرستىق ورتالىعىنىڭ باستاماسىمەن جانە اۋدان اكىمدىگىنىڭ قولداۋىمەن ەسىك قالاسىندا «جۇمىسشى ماماندىقتار اللەياسى» اشىلدى.
شاراعا اۋداننىڭ بەلسەندى جاستارى, ەڭبەك ارداگەرلەرى مەن قوعام قايراتكەرلەرى قاتىستى. ءىس-شارا بارىسىندا ەسىك كاسىپتىك-تەحنيكالىق كوللەدجىنىڭ ستۋدەنتتەرى مەن ەرىكتىلەرى بىرىگىپ, اعاش كوشەتتەرىن وتىرعىزىپ, اللەيا اۋماعىندا تازالىق جانە اباتتاندىرۋ جۇمىستارىن جۇرگىزدى.
بۇل باستاما ەكولوگيالىق مادەنيەتتى قالىپتاستىرۋمەن قاتار, جاستاردىڭ ەڭبەككە دەگەن قۇرمەتىن ارتتىرىپ, تۋعان جەرگە دەگەن سۇيىسپەنشىلىگىن نىعايتاتىنى ءسوزسىز.
مەملەكەت باسشىسى جاريالاعان “تازا قازاقستان” ەكولوگيالىق باعدارلاماسىنىڭ اياسىندا اشىلعان «جۇمىسشى ماماندىقتار اللەياسى» – ەڭبەك ادامىنا كورسەتىلگەن شىنايى قۇرمەتتىڭ كورىنىسى عانا ەمەس, سونىمەن قاتار جاس ۇرپاقتى ەڭبەكسۇيگىشتىككە تاربيەلەۋدىڭ تاعىلىمدى ۇلگىسى.
