قازاقستان بۇۇ-نىڭ كۇش-جىگەرىن قولدايدى

جيددا قالاسىندا (ساۋد ارابياسى كورولدىگى) يسلام ىنتىماقتاستىعى ۇيىمىنىڭ سىرتقى ىستەر مينيسترلەرى كەڭەسىنىڭ يەمەن بويىنشا توتەنشە وتىرىسى ءوتتى. وتىرىس جۇمىسىنا قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى اسقار ءمۋسينوۆتىڭ باسشىلىعىمەن قازاقستان دەلەگاتسياسى قاتىستى. قاتىسۋشىلاردىڭ الدىندا يەمەن پرەزيدەنتى ءابد-راببۋ مانسۇر حادي ءسوز سويلەپ, ەلدەگى قالىپتاسقان احۋال مەن يەمەندەگى جان­جالدى رەتتەۋ بويىنشا جاسال­عان ءىس-قيمىلدارمەن تانىستىردى. يىۇ-عا مۇشە ەلدەر سىرتقى ساياسات ۆەدومستۆولارىنىڭ باسشىلارى يەمەندەگى اعىمداعى اسكەري-ساياسي داعدارىستى, سونداي-اق, وسى ەلدە بەيبىتشىلىك پەن تۇراقتىلىقتى قامتاماسىز ەتۋ جولدارىن تالقىلادى. دەلەگاتسيالار باسشىلارى ءبىراۋىزدان بەيبىتشىلىك پەن تۇراقتىلىقتى تەز ارادا قالپىنا كەلتىرۋگە, سونداي-اق, بۇۇ قاۋىپسىزدىك كەڭەسىنىڭ 2216-شى قارارىنىڭ نەگىزىندە يەمەندەگى ءارتۇرلى ساياسي كۇشتەردىڭ اراسىندا كەلىسسوزدەر ۇدەرىسىن جۇرگىزۋ مەن باسقا دا حالىقارالىق باستامالاردى قولداۋعا شاقىردى. ءوز سوزىندە ا.مۋسينوۆ يەمەن جانجالىن رەتتەۋگە قاتىستى بەيبىت شەشىم مەن اۋماقتىق تۇتاستىقتى قامتاماسىز ەتۋ, زاڭ ۇستەمدىگى مەن بارلىق مۇددەلى تاراپتاردىڭ قاتىسۋىمەن ۇلتتىق ۇنقاتىسۋ قاعيداتتارىنا نەگىزدەلگەن قازاقستان ۇستانىمىن جەتكىزدى. قازاقستاننىڭ بۇۇ-نىڭ جەنەۆادا يەمەنارالىق كونسۋلتاتسيالاردى وتكىزۋ, سونداي-اق, يىۇ جانە باسقا دا حالىقارالىق ۇيىمداردىڭ يەمەنگە تەز ارادا گۋمانيتارلىق كومەك كورسەتۋ بويىنشا باستامالارىن ۇيىمداستىرۋ جونىندەگى كۇش-جىگەرلەرىن قولدايتىنىن اتاپ كورسەتتى. سەسسيا شەڭبەرىندە قازاقستان دەلەگاتسياسىنىڭ باسشىسى ليۆيا سىرتقى ىستەر ءمينيسترى مۇحاممەد ءال-دايريمەن ەكىجاقتى كەزدەسۋ وتكىزىپ, ونىڭ بارىسىندا تاراپتار ەكىجاقتى ىنتىماقتاستىق جايىن, سونىڭ ىشىندە بۇۇ قاۋىپسىزدىك كەڭەسىنىڭ 2017-2018 جىلدارعا تۇراقتى ەمەس مۇشەلىگىنە قازاقستان كانديداتۋراسىنا قولداۋ كورسەتۋ ماسەلەلەرىن تالقىلادى. 1969 جىلى قۇرىلعان يسلام ىن­تى­ماقتاستىعى ۇيىمى بۇۇ-دان كەيىنگى ەكىنشى ءىرى حالىق­ارالىق ۇيىم بولىپ تابىلادى جانە 56 مەملەكەتتى (ۇيىمداعى مۇشە­لىگى توقتاتىلعان سيريانى قوسپا­عاندا) بىرىكتىرەدى. يىۇ-نىڭ قىزمەتى مۇسىلمان مەملە­كەت­تەرى اراسىنداعى ساياسي, ەكونو­مي­كالىق جانە گۋمانيتارلىق ىنتى­ماقتاستىق ماسەلەلەرىنىڭ كەڭ اۋقىمىن قامتيدى. «ەگەمەن-اقپارات».