جاھاندىق باستامادا قازاقستان ۇلەسى قوماقتى

وسىدان 40 جىل بۇرىن حەلسينكي قورىتىندى اكتىسىنە قول قويىلعان حەلسينكيدەگى «فينليانديا حولل» اتتى تاريحي كونگرەسس سارايىندا يادرولىق تەرروريزممەن كۇرەس جونىندەگى جاھاندىق باستامانىڭ (ياتكجب) جالپى وتىرىسى ءوتتى. اۋقىمدى حالىقارالىق شاراعا قازاقستاننىڭ فينلياندياداعى ەلشىسى عالىمجان قويشىباەۆ باستاعان قازاقستاندىق دەلەگاتسيا قاتىستى. ءىس-شاراعا ياتكجب-عا قاتىسۋشى مەملەكەتتەر, باستامانىڭ تەڭ توراعالارى (اقش, رەسەي), باقىلاۋشىلار مەن بەس حالىقارالىق ۇيىمنىڭ 200-گە جۋىق وكىلى قاتىستى. قازاقستان جاھاندىق باستامانى يادرولىق قارۋدى تاراتپاۋدى نىعايتۋ مەن لاڭكەستىك قاۋىپتەرگە قارسى تۇرۋدىڭ ماڭىزدى بولىگى دەپ ەسەپتەيدى. ءبىزدىڭ مەملەكەت بۇل باستاماعا العاشقى مەملەكەتتەردىڭ ءبىرى رەتىندە قوسىلدى. تەرروريستىك ۇيىمداردىڭ يادرولىق قارۋلارعا, ونىڭ بولشەكتەرىنە, تەحنولوگيا­سىنا جانە راديواكتيۆتى ماتەريالدارىنا قول جەتكىزۋ جونىندەگى ۇمتىلىستارى بارلىق ادامزات قاۋىمى ءۇشىن ۇلكەن قاۋىپ-قاتەرلەر تۋدىرۋدا, سوندىقتان دا ياتكجب باستاماسى ءوزىنىڭ وزەكتىلىگىن ساقتاپ قالۋدا. قازاقستان جاپپاي قىرىپ-جويۋ قارۋ­لارىن تاراتپاۋ جانە حالىقارالىق لاڭكەس­تىكپەن كۇرەس جونىندەگى باستامالارعا  بەلسەن­دى قاتىسۋشى رەتىندە ونىڭ جۇمىسىنا زور ۇلەس قوسۋدا. اتاپ ايتقاندا, 2007 جىلى 11-12 شىلدە كۇندەرى استانادا ياتكجب-نىڭ ءۇشىنشى كەزدەسۋى, ال 2010 جىلى قىر­كۇيەكتە يادرولىق تەرروريزممەن كۇرەس ءجو­نىندەگى جاھاندىق باستامانىڭ تەر­روريزمدى قارجىلاندىرۋعا قارسى تۇرۋ جونىندەگى كونفەرەنتسياسى ءوتتى. يادرولىق تەرروريزممەن كۇرەس ءجو­نىن­دەگى جاھاندىق باستامانىڭ جالپى وتىرىسىندا قاتىسۋشى مەملەكەتتەر قۇرى­لىمنىڭ سوڭعى ەكى جىلدا اتقارعان جۇ­مىس­تارىن قورىتىندىلاي كەلە, ياتكجب-نىڭ جاڭا ماقساتتارى مەن باستامالىق مىندەت­تەمەلەرىنە قول جەتكىزۋ ءۇشىن جان-جاقتى جاردەم  كورسەتەتىندەرىن جانە ولاردى جۇزەگە اسىرۋ ءۇشىن تىعىز ىقپالداساتىنىن تاعى ءبىر مارتە قۋاتتادى. «ەگەمەن-اقپارات».