قازاقستاندا ەكىنشى ادام

رەسەي سۋرەتشىلەر اكادەمياسىنىڭ قۇرمەتتى مۇشەسى اتاندى تانىمال قىلقالام شەبەرى, قازاقستان سۋرەتشىلەر وداعىنىڭ باسقارما توراعاسى, ونەرتانۋشى, پروفەسسور, قازاقستاننىڭ ەڭبەك سىڭىرگەن قايراتكەرى بايتۇرسىن ومىربەكوۆ تاياۋ كۇندەرى رەسەي سۋرەت­شىلەر اكادەمياسىنىڭ قۇر­­مەتتى مۇشەسى اتاندى. ول قا­زاق­­ستاننان وسىناۋ اتاق­قا يە بولىپ وتىرعان ەكىنشى ادام. سۋرەت ونەرى ابدەن دامىعان رەسەي قىلقالام شەبەرلەرى تاراپىنان مويىندالعان بايتۇرسىن ومىربەكوۆ كوپتەگەن عىلىمي ما­قا­لالار مەن كىتاپتاردىڭ ءجا­نە «ءتۇرلى تۇستەردىڭ تىلدەگى كورى­نىسى», «كەڭىستىكتەگى ءتۇر ءتۇس» ات­تى وقۋ قۇرالدارىنىڭ اۆتورى. بايتۇرسىن ەسجان ۇلى 1994 جىلدان ءا.قاستەەۆ اتىنداعى مەملەكەتتىك ونەر مۇراجايىنىڭ ديرەكتورى بولىپ قىز­مەت اتقارىپ, ۇلت­تىق مۋزەي ءىسى­نىڭ ءبىر ءىز­دىلىككە تۇسۋىنە ەڭ­بەك ءسى­ڭىرگەن ادام. سۋ­رەتشى 2009 جى­لى ءساۋىر­دە قا­زاقستان سۋرەت­شى­لەر ودا­عىنىڭ XVI سەزىندە سول ۇيىم­نىڭ باس­قار­ما توراعاسى بولىپ سايلاندى. ونەرتانۋ پروفەسسورى 2002 جى­لى يۋنەسكو جانىن­داعى حالىقارالىق مۋزەيلەر كەڭەسىنىڭ قازاقستاندىق اسسوتسياتسياسىن قۇرىپ, ونىڭ پرەزيدەنتتىگىنە تاعايىندالدى. 1999 جىلى «قازاقستاننىڭ ەڭبەك سىڭىرگەن قايراتكەرى» اتا­عى بەرىلدى. سول سياقتى سۋرەتشى ۋكراي­نا سۋرەتشىلەر وداعىنىڭ قۇر­مەتتى مۇشەسى, يۋنەسكو ءجا­نە يسەسكو ءىس­تەرى جونىندەگى ۇلت­تىق كوميسسيانىڭ ءمۇ­شەسى, قازاق­ستان رەس­پۋبليكاسىندا قوي­ى­لاتىن ەسكەرتكىشتەر مەن مو­نۋمەنتتەردى ساراپتاۋ كوميس­سيا­­­سىنىڭ مۇشەسى, ءاىسا حالىق­ارا­لىق ونەرتانۋشى-سىن­­­­شىلار اسسوتسيا­تسياسىنىڭ مۇشەسى ەكەنىن ايتا كەتۋ كەرەك. وعان قوسا, «ورال تاڭ­سىق­باەۆ» البومى ءۇشىن «استانا بايتەرەك» رەسپۋبليكالىق كون­كۋرسىنىڭ لاۋرەاتى اتانعان. بۇل كۇندە ول قازاقستان ونە­­رىن ناسيحاتتاۋ مەن ۇيىم­داس­تىرۋ ىسىنە بەلسەنە ارالاسىپ جۇرگەن تۇلعالى ازامات. ايناش ەسالي, «ەگەمەن قازاقستان». الماتى.