الاش دالاسىنداعى اسقان ەرلىك, رۋحاني مول مۇرا, ءماندى مادەني اسىل قازىنالاردى دارىپتەۋگە ارنالعان كونفەرەنتسيا وبلىس ورتالىعىنداعى ابىلاي حان ەسكەرتكىشىنە گۇل شوقتارىن قويىپ, تاعزىم ەتۋمەن باستالدى. قازاق حالقىن اسا كۇردەلى, وتە قيىن ءحۇىىى عاسىردا ءبىر تۋدىڭ استىنا بىرىكتىرىپ, ساقتاپ قالعان ۇلى ابىلاي حان تۇلعاسىن زەردەلەۋدى ماقسات ەتكەن كونفەرەنتسيادا حاننىڭ جورىقتى جولدارىنان سىر شەرتۋ, رەسەي جانە موڭعوليا جەرىندەگى قانداستارىمىزدىڭ ءومىرى مەن شىعارماشىلىعىن ناسيحاتتاۋ, سوناۋ ابىلاي زامانىنان باستاپ ابىز تونىكوككە دەيىنگى كەزەڭدە ءومىر سۇرگەن ءباھادۇر باتىرلاردىڭ ەرلىك ىستەرى تۋرالى ايتىلدى. حاننىڭ جورىقتى جولدارىمەن ءجۇرىپ ءوتىپ, تەڭىزدىڭ تۇبىنەن مارجان تەرگەندەي ىجداعاتتى ەڭبەك ەتىپ, ەستە جوق ەسكى كەزەڭنىڭ دايەكتى دەرەگىن جيناعان ولكەتانۋشى مۇرات قاجى ىدىرىس ۇلى جيناقتاعان «ابىلاي حاننىڭ قارا جولى» كىتابىنىڭ ءۇشىنشى, ءتورتىنشى تومدارىندا تىڭ دەرەكتەر توپتاستىرىلعان. ءۇشىنشى تومدا ۇلىتاۋ ءوڭىرى, جوشى ۇلىسى, التىن وردا, قازاق حاندارى, ءاز-جانىبەك, ابىلقايىر, ابىلاي, سۇلتان بەيبارس, الاش ارىستارى, احمەت بايتۇرسىن ۇلى, ءاليحان بوكەيحان, مىرجاقىپ دۋلاتوۆ, ءشاراپي ءالجانوۆ, ءالىمحان ەرمەكوۆ ءتارىزدى تۇلعالار تۋرالى تىڭ دەرەكتەر توپتاستىرىلعان. ءتورتىنشى تومدا رەسەي مەن موڭعوليا جەرىندەگى قانداستاردىڭ ءومىرى مەن شىعارماشىلىعى ۇلى تۇركىنىڭ قۇندى مۇرالارىنا قاتىستى زەرتتەۋلەر مەن جولجازبالار جيناقتالعان.
– بۇگىنگى كونفەرەنتسيانىڭ ماڭىزى وتە زور, – دەيدى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ دوكتورى سەرىك نەگيموۆ, – قازاق دالاسىندا ابىلايدىڭ رۋحى ءجۇرۋى كەرەك, ادىلەتتى قازاقستاندى تولىق ورناتۋ ءۇشىن ابىلايشا ويلانىپ, ابىلايشا تولعانۋىمىز قاجەت. كەيىنگى ۇرپاق تۋعان ەلىن, جەرىن ءسۇيۋى ءۇشىن ءباھادۇر بابالارىمىزدىڭ ماڭگى ولمەس ەرلىك ىستەرى مەن رۋحاني بايلىعى ارقىلى تاربيەلەنگەن ءجون.
قوس كىتاپتىڭ تۇساۋىن تۇركياداعى ميمار سينان كوركەمونەر ۋنيۆەرسيتەتىنىڭ پروفەسسورى, تاريح عىلىمدارىنىڭ دوكتورى, تۇركىتانۋشى ابدىۋاقاپ قارا مەن ۆاشينگتون ۋنيۆەرسيتەتىنىڭ پروفەسسورى تالانت ماۋقان ۇلى ءتارىزدى ازاماتتار كەستى.
تاريحي ماڭىزى وتە زور, رۋحاني تەرەڭ مازمۇنعا يە بولعان كونفەرەنتسيا بارىسىندا وتاندىق جانە شەتەلدىك عالىمداردىڭ ورىندى وي-پىكىرلەرى كوپشىلىكتى بەيجاي قالدىرماسا كەرەك. ۇلتتىڭ ءورشىل رۋحىن ۇلىقتايتىن تاريحي جادىمىزدى جاڭعىرتىپ, ۋاقىت شىمىلدىعىنان ارشىپ العان مازمۇندى جيىن بولدى بۇل!
كوكشەتاۋ
