سۋرەت: ortcom.kz
كەڭەسكە وڭىردەگى ءىرى ينۆەستورلار مەن كاسىپكەرلەر قاتىستى. ولاردىڭ قاتارىندا «قازاقمىس» كورپوراتسياسى, «سارىارقا ەنەردجي» جانە «SEPMEM» قىتايلىق كومپانياسى بار.
جيىن بارىسىندا وبلىس اكىمى ينۆەستيتسيا ەكونوميكانىڭ قوزعاۋشى كۇشى ەكەنىن ايتىپ, بۇل باعىتتاعى جۇمىستى جانداندىرۋ قاجەتتىگىن اتاپ ءوتتى.
كەڭەس بارىسىندا «سارىارقا ەنەردجي» كومپانياسى 7 ملرد تەڭگە كولەمىندە ينۆەستيتسيا قۇيىپ, وڭىردە كومىردى بايىتۋ فابريكاسىن سالۋدى جوسپارلاپ وتىرعانىن مالىمدەدى. كومپانيا وكىلى ولەگ گريتساي جوبا تۋرالى جان-جاقتى بايانداپ, ونىڭ ىسكە اسىرىلۋ مەرزىمى مەن ەكونوميكالىق تيىمدىلىگىنە توقتالدى.
سونداي-اق «SEPMEM» كومپانياسى وبلىس اۋماعىندا 10 ملرد تەڭگە كولەمىندەگى ينۆەستيتسيالىق جوبا – تابيعي گازدى سۇيىلتۋ زاۋىتىن سالۋ باستاماسىن ۇسىندى. كومپانيا وكىلى يانگ مين زاۋىتتىڭ تەحنيكالىق ەرەكشەلىكتەرى مەن ءوڭىر ەكونوميكاسىنا اكەلەتىن پايداسى تۋرالى بايانداما جاسادى.
– ءبىز ينۆەستورلاردىڭ ۇلىتاۋ وبلىسىنىڭ ەكونوميكاسىنا قوسقان ۇلەسىن جوعارى باعالايمىز. بارلىق باستامانى قولداۋعا دايىنبىز. ينۆەستورلار كوتەرگەن ماسەلەلەر جان-جاقتى قاراستىرىلىپ, ولاردى شەشۋ جولدارى پىسىقتالاتىن بولادى, – دەپ وبلىس باسشىسى اكىمدەر مەن ءتيىستى باسقارما باسشىلارىنا وسى باعىتتاعى جۇمىستى كۇشەيتۋدى ءارى قاتاڭ باقىلاۋدى تاپسىردى.
ۇلىتاۋ وبلىسى
