ەكسپو ءتۋريزمدى تۇرلەندىرە الا ما؟

ەكسپو-2017 اياسىندا قازاقستانداعى ءتۋريزمدى دامىتۋ مۇمكىندىكتەرى ورتالىق كوممۋنيكاتسيالار قىزمەتىندە  وتكەن ءباسپاسوز ءماسليحاتىندا تالقىلاندى. وعان «استانا ەكسپو-2017» ۇك» اق كەڭەسشىسى روزا اسانباەۆا, «اتامەكەن» ۇلتتىق كاسىپكەرلەر پالاتاسى باسقارما توراعاسىنىڭ ورىنباسارى گۇلنار قۇربانباەۆا جانە قازاقستان تۋريزم يندۋس­ترياسى وداعىنىڭ ديرەكتورى يننا رەي قاتىستى. بريفينگ بارىسىندا الداعى ەكسپو-2017 كورمەسى ەلىمىزدىڭ تۋريزم سالاسىن دامىتۋعا مول ءمۇم­كىندىكتەر اشاتىنى ايتىلدى. ياعني, اتالعان كورمەگە شاقىرۋ ارقىلى شەتەلدىكتەردى ەلىمىزدىڭ باسقا دا ايماقتارىنا  تارتۋعا بولادى. «ۇلتتىق كومپانيا قول­دا­نىستاعى تۋريزم جولباعدارىنا كەشەندى تالداۋ جۇرگىزدى. ونىڭ نەگىزىندە جالپى باعىتتار ءتىزى­لىمى ازىرلەنۋ ۇستىندە, وندا ەكسپو-2017 كورمەسىن كورۋ سەكىلدى ءمۇم­كىندىكتەر قامتىلعان. بۇل جولباعدارلارعا «Recommendedby EXPO» بەلگىسى قويىلاتىن بولادى جانە ولار تۋرالى اقپارات كومپانيا سايتىندا جاريالانادى. سونداي-اق, «Recommendedby EXPO» تىزىلىمىنە ەنگىزىلگەن تۋر­پاكەتتەردى ىلگەرىلەتۋ جانە ساتۋ جونىندە tripadvisor جانە  booking.com سەكىلدى ءىرى تۋريستىك پورتالدارمەن كەلىسسوزدەر بەلسەندى جۇرگىزىلۋدە», دەدى روزا اسانباەۆا. بۇل بەلسەندى جۇمىس تاياۋدا اكىمدىك جانىنان قۇرىلعان «استانا كونۆەنشن بيۋرو» ديرەكتسياسىمەن بىرلەسە جۇرگىزىلەتىن بولادى. ينۆەستيتسيالار جانە دامۋ مينيسترلىگىنىڭ زەرتتەۋلەرى بويىنشا, كورمەگە كەلەدى دەپ كۇتىلىپ وتىرعان قوناقتاردىڭ سانى 2,1 ملن. ادامدى قۇراماق. ۇلتتىق كومپانيا قىزمەت كورسەتىپ جاتقان قوناقۇيلەردىڭ جالپى بولمەلەر قورى 6,3 مىڭعا تەڭ كەلەتىنىن انىق­تاعان. 2017 جىلعا قاراي قوسىمشا تاعى 73 قوناق ءۇي سالىنادى. كورمە قوناقتارى  استانا­نى عانا ەمەس, سونىمەن بىرگە, قا­زاق­ستاننىڭ باسقا دا ايماقتارىنا بارادى دەپ جوسپارلانىپ وتىر. تۋريستەردىڭ نەگىزگى اعىنى بۋراباي شيپاجايىنىڭ ۇلەسىنە كەلەدى دەپ كۇتىلۋدە. شيپاجايعا بارۋدى قولجەتىمدى ەتۋ ماقساتىندا استانا-بۋراباي اۆتوبانى قىزمەت ەتۋدە جانە كوكشەتاۋ قالاسىنىڭ اۋەجايى قايتا جاڭعىرتىلعان. قازىرگى تاڭدا قازاقستاننىڭ باسقا ايماقتارىندا جاڭا تۋرلار دايىندالىپ, قولدانىستاعى تۋرلار جاقسارتىلۋدا. ەكسپو برەندىنىڭ قولداۋ كورسەتۋىمەن جىبەك جولىنىڭ قازاقستاندىق ءبو­لىگى بويىندا «OrientExpress» سا­ناتىنا جاتاتىن پويىزدى ىسكە قوسۋ ماسەلەسى قارالۋدا. استاناعا دەي­ىن­گى ۇشاق بيلەتتەرىنىڭ ىشىنە ەكسپو-2017 كورمەسىنە بارۋ­دىڭ قۇ­نىن كىرگىزۋ تۋرالى «ەير اس­­تا­نا­مەن» جانە شەتەلدىك اۋە ­كوم­پا­نيا­­لارىمەن كەلىسسوزدەر ءجۇر­گىزى­لۋدە. روزا اسانباەۆا ءوز سوزىندە جەر­گىلىكتى تۋريستىك كومپانيالار جانە دە شەتەلدىك كومپانيالار تاراپىنان بۇل جۇمىستارعا بەلسەندىلىك تانى­تۋعا تۇراقتى قىزىعۋشىلىق باي­قالىپ وتىرعانىن اتاپ ءوتتى. ماسە­لەن, بىرنەشە قازاقستاندىق تۋر­وپەراتورلار قازىردىڭ وزىندە تۋريس­تىك پاكەتتەرگە ەكسپو-2017 كور­مە­سىنىڭ بيلەتىن قوسۋ مۇمكىن­دى­گىن قولعا الىپ جاتقانىن اتاپ ءوتتى. «استانا ەكسپو-2017» ۇلتتىق كومپانياسىمەن ىنتىماقتاسۋعا الەمدەگى ەڭ ءىرى تۋروپەراتور Tou­risticUnionInternational (TUI) دا قىزىعۋشىلىق تانىتۋدا. قازىرگى تاڭدا ۇلتتىق كومپانيا TUI  تۋر­وپەراتورىمەن سەرىكتەستىك تۋرالى كەلىسسوزدەر جۇرگىزۋدە, بۇل ەۋ­رو­پانىڭ نارىقتارىندا ەكسپو-2017 كورمەسىنە بارۋ مۇمكىن­د­ىگىن ۇسىناتىن قازاقستانعا باعىت­تالعان تۋريستىك پاكەتتەردى ساتۋعا مۇمكىندىك بەرمەك. نەمىس وپەرا­تورى الەمنىڭ 180 ەلىنەن جىلى­نا 30 ميلليوننان اسا تۇتىنۋ­شىعا قىزمەت كورسەتەدى. ەۋروپا­نىڭ ءبىر وزىندە TUI كومپانيا­سىنا 1800-دەن اسا تۋريستىك اگەنتتىك تيەسىلى. حالىقارالىق تاجىريبە بويىنشا ەكسپو كورمەسى سەكىلدى اۋ­قىمدى ءىس-شارالاردى وتكىزۋ تۋريزم سالاسىن عانا ەمەس, سونىمەن بىرگە, ەكونوميكانىڭ باسقا دا سا­لالارىن دامىتۋعا قوزعاۋ سالادى. ستاتيستيكاعا سۇيەنسەك, 1 تۋ­ريست ءوزى كەلگەن ەل اۋماعىندا 1,5 مىڭ دوللارعا جۋىق قارجىنى جۇم­ساپ, شامامەن 6-12 ادامدى جۇ­مىس­پەن قامتاماسىز ەتەدى. وسى­لاي­شا كورمەنى وتكىزۋدەن الىناتىن ناتيجە وراسان زور. ياعني, ەكونو­مي­كا­نىڭ ءتۇرلى سالالارى مەن ەلىمىز­دىڭ ازاماتتارى ەكسپو-2017 كورمەسىن وتكىزۋ كەزىندە قوسىمشا تابىس تاپپاق. دينارا بىتىكوۆا, «ەگەمەن قازاقستان».