مىڭنان تۇلپار تارلاندارعا

كەشە اقوردادا قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارى مەن گرانتتارىن تاپسىردى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. قازاقستان رەسپۋبليكاسىنىڭ مەملەكەتتىك حاتشىسى – سىرتقى ءىس­تەر ءمينيسترى سىيلىقتاردىڭ لاۋ­رەاتتارى مەن گرانتتاردىڭ يەلەرىن, سونىمەن بىرگە قازاقستاننىڭ بار­لىق جۋرناليستەرىن كاسىبي مەرە­كە­مەن – ءباسپاسوز, تەلەۆيزيا جانە راديو كۇنىمەن قۇتتىقتادى. ول تاۋەل­سىزدىكتى نىعايتۋدا جانە ەلدەگى تۇ­راق­تىلىق پەن تاتۋلىقتى ورنىق­تىرۋدا جۋرناليستەر قاۋىمىنىڭ ەرەكشە ەڭبەك ءسىڭىرىپ جۇرگەنىن اتاپ ايتتى. بيىلعى جىلى قازاقستان رەس­پۋب­ليكاسى پرەزيدەنتىنىڭ وكىمىمەن قازاقستان رەسپۋبليكاسى پرەزي­دەنتىنىڭ سىيلىقتارى “رەسەي” تەلە­ارناسىنىڭ “ۆەستي نەدەلي” قورى­تىن­دى باعدارلاماسىنىڭ جۇرگىزۋ­شى­سى سەرگەي بريلەۆكە, “ستۆ” تەلەكومپانياسىنىڭ باس ديرەكتورى ايگۇل يشمۇحامەدوۆاعا, “كوركەم فيلم” كينوستۋدياسىنىڭ رەجيس­سەرى راشيد سۇلەيمەنوۆكە بەرىلدى. قازاقستان رەسپۋبليكاسى پرە­زي­دەنتىنىڭ گرانتتارىنا “ەگەمەن قازاقستان” گازەتىنىڭ شولۋشىسى سۇڭ­عاتوللا الىپباەۆ, “ايقىن” گا­زەتىنىڭ شىعىس قازاقستان وبلى­سىن­داعى مەنشىكتى ءتىلشىسى ميرا بەرىكبولوۆا, “كتك” تەلەارناسى­نىڭ مەنشىكتى حابارلارىن تاراتۋ ديرەكتورى ارتۋر پلاتونوۆ جانە “كوستانايسكيە نوۆوستي” گازەتىنىڭ شىعارماشىلىق ۇجىمى يە بولدى. سالتاناتتى ءراسىم بارىسىندا, سونداي-اق قازاقستان رەسپۋبليكاسى پرەزيدەنتىنىڭ العىسى “ديالوگ ەۆرازي” حالىقارالىق جۋرنالى­نىڭ جەتەكشى شولۋشىسى ساليح اك­چايعا, “قازاقپارات” اقپاراتتىق اگەنت­تىگىنىڭ جەتەكشى شولۋشىسى كەن­جەبولات جولدىبايعا, “كازاح­ستانسكايا پراۆدا” گازەتىنىڭ ءتىلشىسى ۆلا­ديمير كۋرياتوۆكە, قازاق راديو­سىنىڭ “مەن قازاقپىن!” باعدارلا­ما­سىنىڭ شىعارماشىلىق ۇجىمى­نا جانە “حابار-جەر” تەلەۆيزيالىق باعدارلاماسىنىڭ شىعارماشىلىق ۇجىمىنا جاريالاندى. – بۇگىندە باق ازاماتتىق قو­عامنىڭ نەگىزگى ينستيتۋتتارىنىڭ ءبىرى. قازىر ءبىز دامۋدىڭ تاريحي كەزە­ڭىنە كوشتىك. ەلىمىز قازاقستاننىڭ تۇڭعىش پرەزيدەنتى – ۇلت كوش­باس­شىسىنىڭ دانا باسشىلىعىمەن جاڭا ونجىلدىققا قادام باسىپ وتىر. ءبىزدىڭ الدىمىزدا اۋقىمدى الەۋ­مەتتىك-ەكونوميكالىق جاڭ­عىرۋ­لاردى جاساۋ مىندەتى تۇر. بۇل جال­پىۇلتتىق جوبا. ول بىزگە ەلىمىز­دىڭ ودان ءارى دامۋىنىڭ نەگىزىن قا­لاۋعا مۇمكىندىك بەرەدى, – دەدى سال­تاناتتى راسىمدە مەملەكەتتىك حات­شى­ – سىرتقى ىستەر ءمينيسترى قانات ساۋداباەۆ. سۋرەتتەردى تۇسىرگەندەر س.بوندارەنكو, ب.وتارباەۆ.