بالالارعا – بازارلىق

مىڭداعان «قتج» ۇك» اق قىزمەتكەرلەرى تۇراتىن «ساران» شاعىن اۋدانىندا  كولىك قىزمەتكەرلەرى كۇنى قارساڭىندا 240 ورىندىق بالالار باقشاسى اشىلدى. ول مەملەكەت باسشىسىنىڭ تاپسىرماسىمەن سالىنعان بولاتىن. – بۇگىن «ساراندا» ايتۋلى دا ماڭىزدى وقيعا بولىپ جاتىر. ول – ەلباسىمىز نۇرسۇلتان نازارباەۆتىڭ تاپسىرماسى بويىنشا سالىنعان زاماناۋي بالاباقشانىڭ اشىلۋى. بىرەگەي قۇرىلىس قازىرگى مەكتەپ جاسىنا دەيىنگى بالالارعا ارنالعان مەكەمەلەردىڭ حالىقارالىق ۇلگىدەگى بارلىق  تالاپتارىن ەسكەرە وتىرىپ سالىنعان, – دەدى بالاباقشانىڭ اشىلۋ سالتاناتىندا ءسوز سويلەگەن «قتج» ۇك» اق ۆيتسە-پرەزيدەنتى بەرىك كاماليەۆ. بۇدان كەيىن ءسوز العان سالا ارداگەرلەرى بەرتران رۋبەنشتەين مەن مارات حامزين, استانا قالالىق ءبىلىم دەپارتامەنتى مەڭگەرۋشىسىنىڭ مىندەتىن اتقارۋشى باعلان سماتاەۆا بۇلدىرشىندەرگە اق جول تىلەدى. اتا-انالار اتىنان ءسوز سويلەگەن ماگيسترالدىق جەلى ديرەكتسياسىنىڭ مەنەدجەرى التىناي نىسانباەۆا قۇرىلىستى جۇرگىزگەن كاسىپورىن مەن وعان تاپسىرىس بەرگەن ۇلتتىق كومپانيا باسشىلارىنا العىسىن ءبىلدىردى. ايتا كەتۋ كەرەك, بالالار باقشاسى سوڭعى ۇلگىدەگى تالاپتارعا تولىق ساي كەلەدى. جاپ-جاڭا ەكى قاباتتى عيماراتتا ءارتۇرلى جاس ايىرماشىلىعى بار توپتاردا جيىرما بالادان تاربيەلەنەدى. ولاردىڭ جاتىن ورىندارى مەن تاربيەلەنەتىن زالدارى ينتەراكتيۆتى تاقتالارمەن جاراقتانعان. باسسەين, مۋزىكا جانە گيمناستيكا زالدارى, مەديتسينالىق قىزمەت كورسەتۋ بولمەلەرى بار. ءار توپقا ارنالعان سپورتتىق جانە ويىن الاڭدارىمەن قامتىلعان. بالاباقشا ەدەن ارقىلى جىلىتىلادى. اقىلدى «جارىق» قۇرالدارى بار. شكافتاردا كيىمدەر مەن اياق كيىمدەردى كەپتىرۋگە بولادى. تاماقتانۋ جانە كىر جۋ بولمەلەرى سوڭعى ۇلگىدەگى قوندىرعىلارمەن جابدىقتالعان. سالالىق الەۋمەتتىك ماڭىزى زور بۇل نىسان استاناداعى بالاباقشا كەزەگىن دە ازايتا تۇسەدى. «ەگەمەن-اقپارات».