حاكاتوندا ەلدەگى كىتاپحانا ءىسىن جاڭعىرتۋدا تاجىريبەسى مول الماتىلىق كىتاپحاناشىلار ءوز ءبىلىمىن وزگە وڭىردەگى ارىپتەستەرىمەن ءبولىستى. سالاداعى جاڭا قىزمەت تۇرلەرىن تالقىلاۋعا جانە كىتاپحانا سالاسىنا تسيفرلىق تەحنولوگيا ەنگىزۋ ماسەلەسىن قاراۋعا ارنالعان ماڭىزدى الاڭدا ءتۇرلى ۇسىنىستار ايتىلدى.
بۇگىندە الماتىدا تاۋلىك بويى جۇمىس ىستەيتىن 24/7 كىتاپحانالار, اۆتونومدى كىتاپحانالار, RFID جۇيەسى جانە تسيفرلىق وقۋ زالدارى بار. بۇل باستامالاردى قولداعان مەملەكەت باسشىسى قاسىم-جومارت توقاەۆ, وزگە وڭىرلەردى دە مەگاپوليستىڭ وزىق تاجىريبەسىن قابىلداۋعا شاقىرعان بولاتىن.
حاكاتون قاتىسۋشىلارى كىتاپحانا سالاسىن دامىتۋعا باعىتتالعان جوبالار مەن يدەياسىن تانىستىردى. وڭتۇستىك كورەيا, شۆەيتساريا, گەرمانيا, فينليانديا, ەستونيا جانە شۆەتسيا ەلدەرىندە حالىقارالىق تاعىلىمدامادان وتكەن الماتىلىق جاس ماماندار شەتەلدىك ۇزدىك تاجىريبە مەن ولاردى جەرگىلىكتى جاعدايعا بەيىمدەۋ ءتاسىلى تۋرالى ايتتى.
«بۇگىنگى كىتاپحانالىق حاكاتون جوعارى دەڭگەيدە ءوتتى. ەلدىڭ تۇكپىر-تۇكپىرىنەن كەلگەن ماماندار كەرەمەت يدەيا مەن تىڭ كوزقاراس ۇسىندى. ءبىز ارىپتەستەرىمىزدىڭ جوباسىنان شابىت الىپ, تاجىريبەمىزدى قۋانا بولىستىك», – دەيدى باتىس قازاقستان وبلىسى, بىرلىك اۋىلىنىڭ كىتاپحاناشىسى, حاكاتون قاتىسۋشىسى گۇلباقىت دۇيسەن.
العاشقى حاكاتون جاس كىتاپحاناشىلاردىڭ كاسىبي دامۋى جولىنداعى ماڭىزدى قادام عانا ەمەس, سونىمەن قاتار, قازاقستان كىتاپحانالارىنىڭ جاڭعىرۋعا, يننوۆاتسيا ەنگىزۋگە جانە ەلدىڭ مادەني-وقۋ ومىرىندەگى ورنىن نىعايتۋعا دەگەن ۇمتىلىسىنىڭ جارقىن دالەلى بولدى.
ايتا كەتەيىك, بۇگىندە الماتىدا قالا اكىمدىگىنە قاراستى 30-عا جۋىق زاماناۋي كىتاپحانا جۇمىس ىستەيدى.
